Al-Malik al-Aziz

Abu Mansur Xusrav Firuz (forscha: ابو منصور خسرو فیروز‎‎; Al-Malik al-Aziz laqabi bilan mashhur (arabcha: الملك العزيز‎‎, tarjimasi: „kuchli hukmdor“) Vosit hokimi lavozimida xizmat qilgan buvayhiy shahzoda. Jalol ud-Davlaning oʻgʻli.

Otasi hayotligida Al-Malik al-Aziz Vosit hokimi lavozimida xizmat qilgan hamda taxt vorisi deb eʼlon qilingan. Biroq otasi 1044-yilda vafot etgach, Fors va Kirmon hukmdori boʻlgan buvayhiy Abu Kalijar Iroqni ishgʻol etib, Bagʻdodni egallab olgan. Al-Malik al-Aziz Bagʻdoddan qochishga muvaffaq boʻlib, avval Mazyadiylar, keyin esa Uqayliylar huzurida panoh topdi. Shuningdek, Bagʻdodni qaytarib olish uchun bir necha bor samarasiz urinishlarni amalga oshirgan. Keyinchalik, 1049-yilda Mayyafariqin shahrida vafot etgan.

Adabiyotlar

• Bosworth, C. E. „Iran under the Buyids“, . The Cambridge History of Iran, Volume 4: From the Arab Invasion to the Saljuqs. Cambridge: Cambridge University Press, 1975 — 250–305-bet. ISBN 0-521-20093-8.