Ziyosfera

Alaq surasi

Fayl:Chapter 96, Al-Alaq (Murattal) v2 - Recitation of the Holy Qur'an.mp3 Alaq surasi (arabcha: سورة العلق‎‎, nomining maʼnosi — Laxta qon[9][10]) — Qurʼonning 96-surasi. Makkiy suralardan biri, 19 oyatdan iborat. Bu sura Qurʼonning 597–598[11]-sahifasida va 30-juzida joylashgan. 1-boʻlib nozil boʻlgan.

Qadr ←   96–sura  → Tiyn
Alaq surasi — سورة العلق
Qurʼon nusxalaridan biridagi Alaq surasi sarlavhasi. Yuqorida oʻngdan: 1. Oyati 19, 2. Markazda qizil rangda sura tartib raqami 96, qora rangda - Alaq surasi va Makkiy, qizil rangda nozil boʻlgan tartibi - 1, 3. Rukuʼsi soni - 1; Pastda oʻngdan: 1. Sura:Makkiy, 2. Tilovat tartibi:96, 3. Nozil boʻlish tartibi:1, 4. Rukuʼsi:1, 5. Oyati:19, 6. Porasi (Juzi):30 deb koʻrsatilgan.

Suraning arabcha matni
Nomining maʼnosi Laxta qon[1][2]
Tasnifi Makkiy sura[3]
Statistika
Sahifasi 597–598[4]
Juz 30
Sura raqami 96
Oyatlar soni 19
Sajda oyati 19-oyat[5]
Rukuʼlar soni 1[6]
Muqattaot harflari yoʻq[7]
Nozil boʻlish tartibi 1[8]
Arabcha matni ar.wikisource.orgda
tanzil.netda
Tarjimalari QuranAcademy.org
quran.uzda
Tilovat tartibi
Qadr surasi  Keyingisi 96 Oldingisi  Tiyn surasi
Nozil boʻlish tartibi
Qalam surasi   Keyingisi 1 Oldingisi  !
                                   

Alaq — laxta qon. Bu yerda ona qornidagi homilaning rivojlanish jarayonidagi bir bosqich, yaʼni laxta quyuq qonga aylangan holati muroddir.

Tarjimasi

Mehribon va rahmli Alloh nomi bilan (boshlayman).

1. (Ey, Muhammad, butun borliqni) yaratgan zot boʻlmish Rabbingiz nomi bilan oʻqing!

2. U insonni laxta qondan yaratdi.

3. Oʻqing! Rabbingiz esa karamli zotdir.

4. U insonga qalam bilan (yozishni) oʻrgatgan zotdir.

5. U insonga bilmagan narsalarini oʻrgatdi.

6. Darhaqiqat, inson haddidan oshar.

7. (Bunga) sabab oʻzini boy — behojat sanashidir.

8. (Ey, inson,) albata, qaytishing Rabbing huzurigadir.

9. (Ey, inson,) koʻrdingmi, toʻsayotgan kimsani

10. bandani namoz oʻqiganda?!

11. Koʻrdingmi — agar u (namoz oʻquvchi) oʻzi Toʻgʻri yoʻlda boʻlsa,

12. yoki (oʻzgalarni) taqvoga (Allohdan qoʻrqishga) buyursa?!

13. Koʻrdingmi, agar u (namozdan) toʻsuvchi kimsa (haqni) inkor etsa va (u imon keltirishdan) yuz oʻgirsa,

14. albata, Alloh (uning bu qilmishlarini) koʻrib turishini bilmasmi?!

Izoh: Bu oyatlar mashhur kofir Abu Jahl xususida nozil qilingan. U Paygʻambar (a. s.) ga aziyat va zarar yetkazishni oʻz oldiga oliy maqsad qilib qoʻygan boʻlib, Haq taolo bu tanbehlar bilan uni ogohlantirgan.

15. Yoʻq! Qasamki, agar u (bu yoʻlidan) qaytmasa, albata, Biz uning peshona sochidan tutamiz

16. oʻsha yolgʻonchi, adashgan (kimsaning) peshona sochidan (tutib jahannamga oturmiz)!

17. Bas, u oʻzining jamoasini (yordamga) chaqiraversin!

18. Biz esa azob farishtalarini chaqirajakmiz!

19. Yoʻq! (Ey, Muhammad,) Siz unga itoat etmang va (yolgʻiz) Allohga sajda (ibodat) qilib, (Unga) yaqin boʻling! (Sajda oyati.)[12]

Manbalar

  1. ↑ Qurʼoni Karim tarjimasi va sharhi. Abdulaziz Mansur
  2. ↑ Qurʼoni Karim maʼnolari tarjimasi. Alouddin Mansur
  3. ↑ Qurʼonda koʻrsatilgan tasnif.
  4. ↑ 604 sahifali Qurʼonda.
  5. ↑ Qurʼonda sajda oyati belgisi qoʻyilgan oyatlar raqami.
  6. ↑ Yuqoridagi sura sarlavhasining tasviridan olingan.
  7. ↑ Qurʼondan koʻrilgan.
  8. ↑ Yuqoridagi sura sarlavhasining tasviridan olingan.
  9. ↑ Qurʼoni Karim tarjimasi va sharhi. Abdulaziz Mansur
  10. ↑ Qurʼoni Karim maʼnolari tarjimasi. Alouddin Mansur
  11. ↑ 604 sahifali Qurʼonda.
  12. ↑ Tarjimasi ziyo.uzda (PDF), 2016-02-05da asl nusxadan (PDF) arxivlandi, qaraldi: 2016-02-11
Keyingisi: Qadr surasi 96-sura — arabcha matni Oldingisi: Tiyn surasi 


"https://new.ziyosfera.uz/ziyo/Alaq_surasi" dan olindi