Bani Omar
Bani Omar (arab tili: بني عمر) (yakka shakli — Al Maamari arab tili: المعمري; shuningdek Al Mamari va Al Maʼamari deb ham yoziladi) — Ummonning arab qabilasi[1].
| Bani Omar بني عمر | |
|---|---|
| Qahtoniy arab qabilasi | |
 | |
| Etnik tarkibi | arablar |
| Nisba | Al-Maamari المعمري |
| Joylashuv | Ummon |
| Tili | arab tili |
| Dini | Sunniy islom |
Joylashuvi
Bani Omarlar anʼanaviy ravishda Shimoliy Ummonda yashab kelgan boʻlib, aksariyati viloyatlar (provinsiyalar) — Liva, Shinas, Saham va Ibrida, Al Botina Shimoliy hamda Az-Zohira mintaqalarida jamlangan. Bu qabila mintaqadagi eng muhim kuchlardan biri sifatida qaraladi[1][2][3].
Nasab va kelib chiqishi
Siyosiy jihatdan G‘ofiriy qabilasi boʻlgan Bani Omarlar Zubayd qabilasidan boʻlgan Maamar ibn Zubaiddan tarqalgan qabila boʻlib, u yirikroq Madhhaj qabila ittifoqining bir qismini tashkil etadi. Anʼanaviy ravishda arab qabilaviy nasabnomasining ikki asosiy tarmogʻidan biri boʻlgan qahtoniy nasabga mansub deb tasniflanadi. Qahtoniylar anʼanaviy ravishda janubiy arab aholisining ajdodlari deb qaraladi va ularning nasabi yarim afsonaviy ajdod siymosi Qahtonga borib taqaladi, deb ishoniladi.
Qabilaning nasabnomasi klassik arab nasabshunoslik anʼanasi orqali saqlanib keladi va quyidagicha qayd etiladi: Maamar ibn Zubayd ibn Sab ibn Sad al-Ashirah ibn malik ibn Adad ibn Zayd ibn Yashjub ibn Urayb ibn Zayd ibn Kahlan ibn Saba ibn Yashjub ibn Yarub ibn Qahtan ibn Hud[1][2].
Tarix
Dastlab Shimoliy Al Botina qirgʻoq tekisligining chorvachilik hududlari va Hajar togʻlarida yashagan badaviy qabila boʻlgan Bani Omarlar XX asrda oʻtroqlashuv va shaharlashuv jarayonini boshdan kechirib, Hadhari (oʻtroq) jamiyatga aylangan[3][4].
Bani Omarlar siyosiy jihatdan Gʻofiriy qabilasidir. Gʻofiriylar Ummonning ikki yirik qabila ittifoqidan birini ifodalaydi, ikkinchisi esa Hinaviydir. Tarixan bu ikki konfederatsiya uzoq davom etgan raqobatni saqlab kelgan boʻlib, u Ummonning ijtimoiy, siyosiy va harbiy ittifoqlarini shakllantirgan. Bani Omarlar mafkuraviy farqlarga qaramay, tarixan Maskat sultonlari bilan ittifoqda boʻlgan hamda sulton saroylari va ularning voliysi qal’alarini qoʻriqlash uchun mas’ul harbiy xizmatchilar sifatida xizmat qilgan[3][4].
Taniqli kishilar
- Jaber Al Mamari (2001-yilda tugʻilgan), qatarlik sprinter
- Malek Bin Sulaiman Al Ma'amari malika? ummonlik politsiya boshligʻi
- Muhammad ibn Said ibn Xalfan al-Mamariy, ummonlik siyosatchi
- Musa Al-Maʼamari (1930 — 2018), livanlik meʼmor
- Musʼab Al Mamari (2005-yilda tugʻilgan) ummonlik futbolchi
- Solim Al Mamari (1999-yilda tugʻilgan) ummonlik futbolchi
- Sulaymon Al Maamari (1974-yilda tugʻilgan), ummonlik yozuvchi
- Tolib Al Mamari (1972-yilda tugʻilgan), ummonlik siyosatchi va faol
- Vofiya Al-Maʼamari (2003-yilda tugʻilgan), BAA shaxmatchisi
Manbalar
- ↑ 1,0 1,1 1,2 „نسب وأماكن تواجد قبيلة المعمري في سلطنة عمان - موقع بوابة سلطنة عمان التعليمية“ (ar). موقع بوابة سلطنة عمان التعليمية (2025-yil 28-mart). Qaraldi: 2025-yil 20-avgust.
- ↑ 2,0 2,1 „المعمريون“ (ar). مجالسنا. Qaraldi: 2025-yil 20-avgust.[sayt ishlamaydi]
- ↑ 3,0 3,1 3,2 „FO 1016/3 Notes on the tribes of Muscat and Oman p.22“ (en). www.agda.ae. Qaraldi: 2025-yil 29-avgust.
- ↑ 4,0 4,1 Valeri, Marc (2015-01-12). "The Ṣuḥār Paradox: Social and Political Mobilisations in the Sultanate of Oman since 2011" (en). Arabian Humanities. Revue internationale d'archéologie et de sciences sociales sur la péninsule Arabique/International Journal of Archaeology and Social Sciences in the Arabian Peninsula 4 (4). doi:10.4000/cy.2828. ISSN 2308-6122. https://journals.openedition.org/arabianhumanities/2828?lang=en&utm.