Bayonnoma

Bayonnoma — biron bir yig'ilish, tadbir, amjumanning borishi, ularda qatnashuvchilarning mulohaza va qabul qilingan qarorlari rasmiy ravishda ixcham va tushunarli qayd qilingan rasmiy hujjatdir. Bayonnomada tadbirda muhokama qilingan barcha masalalar, tanqid va fikrlar bayonnomada to'liq aks ettirilgan bo'lishi shart. Bayonnomadagi ma'lumotlarning aniqligi, to'liqligi uchun mas'ul majlis raisi va bayonnomani rasmiylashtirgan majlis kotibi hisoblanganligi uchun ular bayonnoma oxiriga imzo qo'yadilar.

Bayonnomalar mazmuni va rasmiylashtirish shakliga ko'ra

• qisqa
• to'liq
• stenografik
• fonografik turlarga bo'linadi.

Shuningdek, Bayonnoma - biror masala yuzasidan rasmiy yozma bayonot, bildirish, tushuntirish. OʻzR MJKga (281,286,289,290-moddalar) asosan maʼmuriy protsessual hujjat hisoblanadi. Maʼmuriy huquqbuzarlik sodir etilganligi toʻgʻrisidagi bayonnoma vakolatli mansabdor shaxs tomonidan tuziladi. Huquqbuzarlik tufayli moddiy zarar etkazilgan boʻlsa, bu ham bayonnomada koʻrsatiladi. Bayonnoma uni tuzgan shaxs va maʼmuriy huquqbuzarlik sodir etgan tomonidan imzolanadi. Bayonnoma yuritish uchun masʼuliyat surishtiruv va dastlabki tergov bosqichida surishtiruvchi va tergovchi zimmasiga, sud majlisi davomida esa sudya va sud majlisi kotibiga yuklatildi.