Dastur ul-muluk sahifasining manbasini koʻrish

'''Dastur ul-muluk''' (“ Podshohlarga qo'llanma”) nomli tarixiy asar, muallifi XVII asr tarixchisi [[Termiziy Xoja Samandar Muhammad Ibn Baqo|Xoja Samandar Termiziy]]dir. 

Uning 233 oʻz ismi Muhammad Baqoxoja boʻlib, asli [[Nasaf]] ([[Qarshi]])lik, Mir Haydariy tariqati shayxlaridan biri oilasida dunyoga kelgan. Xoja Samandar Termiziy Ashtarxoniylardan [[Abdulazizxon]] (1645—1681) va [[Subxonqulixon]] (1681—1702) bilan zamondosh boʻlgan. U 1702-yilgacha Qarshida raislik lavozimida turgan, Abdulazizxon va Subxonqulixonning harbiy yurishlarida ishtirok etgan. 

Bizning davrimizgacha olimning ikki muhim asari yetib kelgan. Bulardan biri “Dastur ul-muluk” boʻlib, u 1695-yili va ikkinchisi “Anis ul-fuqaro” (“Faqirlar doʻsti”) nomi bilan mashhur bo'lib, 1735-yili yozilgan. Oʻzbekiston tarixini oʻrganishda Xoja Samandar Termiziyning “Dastur ul-muluk” asari zoʻr qimmatga ega. Asar Buxoro xonligining XVII asrning 70—90-yillardagi ijtimoiy-siyosiy ahvolini, shuningdek, Buxoro bilan Xiva xonliklari oʻrtasidagi siyosiy munosabatlami oʻrganishda katta ahamiyatga ega. “Dastur ul-muluk”da oʻzbeklarning etnik tarkibi haqida ham muhim dalil va ma’lumotlarni uchratamiz. 1971-yili “ Dastur ul-m uluk”asarining forsiy matnini, [[Rus tili|ruscha]] tarjimasi, zarur izohlar bilan M.A.Salohitdinova chop etdi. Asarning [[Oʻzbek tili|oʻzbekcha]] nashri 1997-yili Jabbor Esonov tomondan amalga oshirildi.

== Adabiyotlar ==
* Madraimov, Abdumajid. Manbashunoslik: Bakalavriatning tarix yo'nalishi talabalari uchun darslik. A. Madraimov, G. Fuzailova. Т.: O'zbekiston faylasuflari milliy jamiyati nashriyoti, 2008.
[[Turkum:Tarixiy asarlar]]
[[Turkum:Ashtarxoniylar davri adabiyoti]]
[[Turkum:Tarix]]