Dava Xon Menapol
Dava Xon Menapal (2021-yil 6-avgustda vafot etgan; baʼzan Meenapal, Minapal yoki Mina Pal deb yoziladi) Afgʻoniston hukumatining media va axborot markazi direktori boʻlib ishlagan, shuningdek, Afgʻoniston prezidenti Ashraf Gʻanining matbuot kotibi sifatida faoliyat olib borgan[1][2]. U ilgari Radio Azadi (sobiq Radio Free Afghanistan) da jurnalist boʻlib ishlagan[3].
Menapal Kobul universitetida Huquq va siyosatshunoslik boʻyicha diplom olgan[4].
2008-yilda u Tolibon tomonidan Kobul-Qandahor magistral yoʻlida oʻgʻirlab ketilgan, biroq qabilalar yetakchilari uni oʻzining muvozanatli va adolatli jurnalistik faoliyati uchun hurmat qilganligi, eʼtirozlar tufayli uch kun oʻtib ozod qilingan[3][5]. 2009-yilda u Afgʻoniston politsiyasi tomonidan hujumga uchragan[3].
U 2010-yilda "David Burke mukofoti: ajralib turadigan jurnalistika" sovrindori boʻlgan, unga bu mukofot „hukumat organlari va militsionerlarning tahdidlariga qaramay, Afgʻonistonning Qandahor shahridan professional reportajlari uchun“ taqdim etilgan[3].
2021-yil 6-avgustda, mamlakatni qayta egallashlar paytida, u Tolibon tomonidan oʻldirilgan[1]. Tolibon matbuot kotibi u „oʻz qilmishlari uchun jazolangan“ deb aytgan[2]. U Kobuldagi Darul Aman yoʻlida juma namoziga borayotganida qurolli shaxslar tomonidan hujumga uchragan va oʻldirilgan[1][2].
Manbalar
- ↑ 1,0 1,1 1,2 „Taliban kills head of Afghanistan gov't media department“. Al Jazeera. Qaraldi: 2021-yil 1-sentyabr.
- ↑ 2,0 2,1 2,2 „Afghanistan: Dawa Khan Menapal assassinated in Kabul“. BBC News (2021-yil 6-avgust). Qaraldi: 2021-yil 1-sentyabr.
- ↑ 3,0 3,1 3,2 3,3 „Dawa Khan Meenapal“. U.S. Agency for Global Media. Qaraldi: 2021-yil 1-sentyabr.
- ↑ „Terrorists assassinated Afghan govt media head who was critical of Pakistan, Taliban“. WION (2021-yil 6-avgust). Qaraldi: 2022-yil 19-fevral.
- ↑ „RFE/RL Reporter Describes Taliban Kidnapping“ (en). Radio Free Europe/Radio Liberty. Qaraldi: 2021-yil 1-sentyabr.