Kamila Valieva
Kamila Valeryevna Valieva (ruscha: Камила Валерьевна Валиева; 2006-yil 26-aprelda tugʻilgan) — rossiyalik figurali uchuvchi. 2021-yilgi Rostelecom kubogi gʻolibi, 2021-yilgi Skate Canada musobaqasi gʻolibi, 2020-yilgi yoshlar oʻrtasidagi jahon chempioni, 2019–2020-yilgi Yoshlar Gran-pri finali gʻolibi va 2021-yilgi Rossiya milliy chempionatining kumush medali sohibasi.
| Kamila Valieva | |
|---|---|
.jpg) Valieva 2022-yilda | |
| Shaxsiy maʼlumotlari | |
| Asl ismi | Камила Валерьевна Валиева (ruscha) |
| Toʻliq ismi | Kamila Valeryevna Valieva |
| Davlat |
 Rossiya |
| Tavalludi |
2006-yil 26-aprel Qozon, Rossiya |
| Boʻyi | 1.60 m (2022-yil fevral)[1] |
| Murabbiyi | Svetlana Sokolovskaya |
| Jamoasi | Navka Arena |
| Uchishni boshlagan | 2009 |
2022-yilgi Qishki Olimpiada oʻyinlari davomida dekabr oyida Valieva topshirgan doping testi namunasi ijobiy natija koʻrsatgan va undan trimetazidin moddasi aniqlangan[2][3]. 2024-yil 29-yanvarda Sport arbitraj sudi (CAS) Valievaning Rossiya antidoping agentligi (RUSADA) bilan bogʻliq doping ishini koʻrib chiqdi. Xalqaro konkida uchish ittifoqi (ISU) va Jahon antidoping agentligi (WADA)[4] Valievaga 2021-yil 25-dekabrdan toʻrt yillik taqiq joriy qilgan va shu sanadan boshlab uning barcha natijalari bekor qilingan[5]. Jumladan, 2022-yilgi konkida uchish boʻyicha Yevropa chempionati va 2022-yilgi Qishki Olimpiya oʻyinlari jamoaviy bahsida qayd etgan 1-oʻrin ham bekor qilingan.
Yuqoridagi diskvalifikatsiya va bekor qilingan natijalar inobatga olingan holda ham Valieva ayollar oʻrtasida qisqa dastur, erkin dastur va umumiy yigʻindi boʻyicha amaldagi jahon rekordchisi hisoblanadi. U faoliyati davomida yetti marta jahon rekordlarini oʻrnatgan. Sportchi bir mavsum doirasida umumiy yigʻindi boʻyicha 250, 260 va 270 ballik chegaralarni, erkin dasturda esa 170 va 180 ballik chegaralarni birinchi boʻlib yengib oʻtgan figurali uchuvchi hisoblanadi. Valieva mashgʻulotlardagi jufti va jamoadoshi Aleksandra Trusovadan keyin toʻrt aylanishli toe loop sakrashni amalga oshirgan ikkinchi ayol sportchi, istalgan turdagi toʻrt aylanishli sakrashni bajargan toʻrtinchi ayol sportchi, uch aylanishli akselni bajargan 16-chi ayol sportchi, Alisa Liu hamda mashgʻulotdagi sherigi, jamoadoshi Sofya Akatyevadan keyin bir dasturda uch aylanishli aksel va toʻrt aylanishli sakrashni bajargan uchinchi ayol sportchi sanaladi.
Shaxsiy hayoti
Kamila Valieva 2006-yil 26-aprelda Rossiyaning Tatariston Respublikasi Qozon shahrida dunyoga kelgan. Millati - Volga tatari[6]. Otasining ismi ruscha „Valeryevna“ boʻlsa-da, qarindoshlarining aytishicha, uning biologik otasi hozirda Qrimda yashovchi Ravil ismli harbiy kishidir[7].
Valievaning Lyova ismli pomeran iti bor[8]. Bu it unga 2019-yilda muxlislari tomonidan sovgʻa qilingan.
Valievaning onasi uni yoshligidan badiiy gimnastika, balet va figurali uchish toʻgaraklariga yozdirgan. Besh yoshga kirganidan keyin asosiy eʼtiborini faqatgina figurali uchishga qaratgan[9]. Uning aytishicha, sportchi Natan Chenning texnikasi va sport mahoratini qoyil qolib tomosha qiladi[10].
2022-yilgi Qishki Olimpiya oʻyinlari paytida Valievaning boʻyi 1.6 m (5 ft 3 in) boʻlgan[1].
Manbalar
- ↑ 1,0 1,1 Lobo, Natalia (7 February 2022), „Winter Olympics 2022 profiles: Kamila Valieva: Height, age, coach and records“, Bolavip
- ↑ Panja, Tariq. „Kamila Valieva had three substances that could be used to treat heart conditions in her sample. Only one is banned“ (en). The New York Times (2022-yil 15-fevral). Qaraldi: 2022-yil 14-fevral.
- ↑ Gina Kolata.. „Cardiologists question the utility of the drugs found in Valieva's blood“. The New York Times (2022-yil 15-fevral). Qaraldi: 2022-yil 16-fevral.
- ↑ „CAS to hear Russian figure skater Valieva's case in September“ (en). Reuters (2023-yil 22-iyun). Qaraldi: 2023-yil 23-iyun.
- ↑ „Kamila Valieva: Russian figure skater given four-year drugs ban“. BBC Sport (2024-yil 29-yanvar). Qaraldi: 2024-yil 29-yanvar.
- ↑ „Tatar girl Camila Valieva won the junior stage of the Grand Prix in Courchevel“. Tatar Congress (2019-yil 26-avgust). Qaraldi: 2022-yil 11-fevral.
- ↑ „Родственники Камилы Валиевой рассказали, кем является отец фигуристки“ [Kamila Valieva's relatives revealed the identity of the figure skater's father]. tatar-inform.ru (2022-yil 17-fevral).
- ↑ „Lëva.KamilaValieva, Мой померанский шпиц Лёва 🐕💕“ [Lëva.KamilaValieva, My Pomeranian Lëva 🐕💕] (ru). 2020-yil 12-martda asl nusxadan arxivlangan. Qaraldi: 2021-yil 26-dekabr.
- ↑ Flade, Tatjana „Kamila Valieva: Art on Ice“. International Figure Skating (2020-yil 15-iyul). 2021-yil 10-fevralda asl nusxadan arxivlangan. Qaraldi: 2021-yil 10-fevral.
- ↑ „Top junior Kamila Valieva on skating, dogs, and Pablo Picasso“. Olympic Channel (2021-yil 3-yanvar). 2020-yil 22-noyabrda asl nusxadan arxivlangan. Qaraldi: 2021-yil 3-mart.