Ziyosfera

Mallory Weggemann

Mallory Weggemann (1989-yil 26-martda tugʻilgan) – amerikalik para suzuvchi.

Mallory Weggemann

Mallory Weggemann ambassador John B. Emerson bilan Berlinda (2015)
Shaxsiy maʼlumotlari
Tavallud sanasi 1989-yil 26-mart (1989-03-26) (37 yosh)[1]
Lawrence, Kansas, AQSh[2][3]
Veb-sayti malloryweggemannusa.com
Sport
Qaysi sport suzish
Klubi FINIS & JOLYN [1]
Murabbiy(lar)i Steve Van Dyne[1]

Karyerasi

2008-yilda suvchechakdan keyingi bel ogʻrigʻini davolash uchun epidural inʼeksiya qilinganidan soʻng Weggeman T10-darajadagi toʻliq falaj holatiga tushdi[4][5][6].

Weggemann sport faoliyati davomida S7 toifasida koʻplab jahon rekordlarini yangiladi. 2009 hamda 2010-yillardagi IPC suzish boʻyicha Jahon chempionatida bir nechta oltin medallarni qoʻlga kiritdi. 2012-yilgi Paralimpiya oʻyinlarida bahsli ravishda S8 toifasiga oʻtkazildi, bu esa nisbatan kamroq nogironligi boʻlgan suzuvchilar uchun moʻljallangan toifa edi[6][7]. Weggemann S8 toifasida 50 metrga erkin uslubda suzish bahslarida yangi Paralimpiya rekordini oʻrnatgan holda musobaqada gʻalaba qozondi[8].

Weggemann falaj boʻlib qolganidan keyin oradan toʻrt oydan kamroq vaqt oʻtgach, yana suzishga qaytdi. Endilikda sportchi 2012-yilgi Yozgi Paralimpiya oʻyinlarining oltin medaliga ega chiqishni oʻz oldiga maqsad qilib qoʻygan edi. Weggeman bu maqsadiga erishgach, oʻzining eng katta orzusini amalga oshirishni, yana qayta yurishga qaror qildi. Yillar davomida buning amalga oshishi imkonsiz deb hisoblangan edi, ammo Weggemannda yangi imkoniyat paydo boʻldi. Mallory odamlardan yordam soʻrab murojaat qildi va Indiegogo platformasida ommaviy moliyalashtirish kampaniyasini boshladi. 2013-yil 16-noyabrda Mallory maxsus tayyorlangan oyoq apparatlari va tirsak tayanchli qoʻl tayoqlari yordamida deyarli 6 yildan soʻng ilk marta yurishga muvaffaq boʻldi[9].

Weggemann 2016-yil Braziliyaning Rio-de-Janeyro shahrida boʻlib oʻtgan Paralimpiya oʻyinlariga tayyorlangan va shu bilan birga suzishdan tashqari faoliyatini ham rivojlantirib, ilhomlantiruvchi nutqlar soʻzlagan. Mallory, shuningdek, „The Current“ (Oqim) nomli hujjatli filmda ham ishtirok etgan. Bu film „Make A Hero“ nomli notijorat tashkilot tomonidan suratga olingan boʻlib, nogironligi boʻlgan insonlarni oʻzlariga mos sport turlari bilan shugʻullanish orqali faol va erkin hayotga undaydi[10].

2021-yil iyun oyida AQSh Tokioda kechiktirilgan 2020-yilgi yozgi Paralimpiya oʻyinlariga boruvchi 34 nafar para suzuvchilar nomini eʼlon qildi. Ayollar jamoasi tarkibidan Weggemann, Jessica Long, McKenzie Coan, Rebecca Meyers va Elizabeth Marks oʻrin olgan edi[11]. Tokio oʻyinlari davomida Weggemann bir nechta medallarni qoʻlga kiritdi va ikki marotaba Paralimpiya rekordini yangiladi[12].

2022-yil 14-aprelda Maloryning AQSh terma jamoasi tarkibida 2022-yilgi para suzish boʻyicha Jahon chempionatida ishtirok etishi rasman eʼlon qilindi[13].

Mukofotlari

  • Dunyoning eng yaxshi nogiron suzuvchisi – 2009, 2010;
  • AQShda yilning eng yaxshi suzuvchisi (Trischa L. Zorn mukofoti) – 2009, 2010, 2011;
  • Nogironligi boʻlgan eng yaxshi ayol sportchi ESPY mukofoti – 2011-yil.

Shaxsiy hayoti

Malory Waggemann Minnesota shtatining Eagan shahrida istiqomat qiladi.

Manbalar

  1. ↑ 1,0 1,1 1,2 „IPC infostradasports: Mallory Weggemann“. 2014-yil 20-martda asl nusxadan arxivlangan. Qaraldi: 2013-yil 4-fevral.
  2. ↑ Team USA: Mallory Weggemann
  3. ↑ „Mallory Weggeman: Turning the odds, in and out of the pool“. American Public Media (2012-yil 2-oktyabr). 2012-yil 5-noyabrda asl nusxadan arxivlangan. Qaraldi: 2013-yil 4-fevral.
  4. ↑ „Athlete swimming to greatness after paralysis“. CNN (2011-yil 21-avgust). 2011-yil 13-avgustda asl nusxadan arxivlangan. Qaraldi: 2013-yil 5-fevral.
  5. ↑ „2010 IPC Swimming World Championships: Recaps and Results“. Swimmers World Magazine. Qaraldi: 2013-yil 5-fevral.
  6. ↑ 6,0 6,1 „Paralympics: Mallory Weggemann shocked by classification change“. BBC Sport. Qaraldi: 2013-yil 4-fevral. „I'm a T10 complete paraplegic, I have no feeling or movement from my belly button down and I'm competing against people who are bi-lateral double amputees below the knee, who have, from below the knee up, full function.“.
  7. ↑ „The thin line: Paralympic classification causes controversy“. CNN (2012-yil 31-avgust). Qaraldi: 2013-yil 5-fevral.
  8. ↑ „2012 London Paralympics: Mallory Weggemann Earns Redemption With Gold Medal After Reclassification“. Swimming World Magazine (2012-yil 2-sentyabr). Qaraldi: 2013-yil 5-fevral.
  9. ↑ „Paralympic star Mallory Weggemann walks for second time“. BBC Sport. 2015-yil 24-sentyabrda asl nusxadan arxivlangan. Qaraldi: 2014-yil 19-mart.
  10. ↑ „Mallory Weggemann Shares Inspiring Story with the Today Show“. NBC. Qaraldi: 2014-yil 19-mart.
  11. ↑ „United States name 34 swimmers on Tokyo 2020 Paralympic team“. www.insidethegames.biz (2021-yil 22-iyun). Qaraldi: 2021-yil 28-iyun.
  12. ↑ „Former Swimmer Wins Gold at Paralympics“ (en-US). Gardner-Webb University. Qaraldi: 2022-yil 5-yanvar.
  13. ↑ Gowdy. „U.S. Paralympics Swimming Nominates 25 athletes to World Championship Roster“. teamusa.org (2022-yil 14-aprel). 2022-yil 16-mayda asl nusxadan arxivlangan. Qaraldi: 2022-yil 14-aprel. 
"https://new.ziyosfera.uz/ziyo/Mallory_Weggemann" dan olindi