Maymanoqtov

Maymanoqtov — Qarshi choʻlidagi burmalangan gumbazsimon balandlik. Janubi-gʻarbdan shimoli-sharqqa yoʻnalgan. Eng baland joyi 436 m. Uzunligi 9 km, eni 6 km. Shimoli-gʻarbiy yon bagʻri etagidagi tekislikka tik tushgan. Janubi-sharqiy yon bagʻri ham tikroq. Nisbiy balandligi 100–120 m. Balandlik usti notekis, toʻlqinsimon tekislik, nisbatan yassi tekisliklar bilan almashib keladi. M. asosi boʻr davriga mansub smolaning kulrang, yashil-kulrang oʻrtacha va mayda donador qumtoshlari, neogenning mayda qumli och jigarrang-kulrang qumtoshlari (tanlirchi svitasi), ular ustida guzor svitasining bir-biri bilan almashinib keladigan gil, alevrolit va qumtoshlari hosil boʻlgan. Bu qatlam ustini uncha qalin boʻlmagan lsssimop jinslar qoplagan.

M.da gipsli, dagʻal mexanik tarkibga ega boʻlgan och boʻz tuproqlar tarqalgan. Ularda rang, iloq, shuvoq. isiriq va boshqalar oʻsadi. Chorvachilikda yaylov sifatida foydalaniladi, mahsuldorligi gektariga 1,5—2,0 s.