Munk (shahar)
Munk, Mink — oʻrta asrlardagi (X asr) Xuttalon viloyatining eng yirik shahri. Qizilsuv daryosi (Tojikiston)ning yuqori oqimida, Obimozor daryosining oʻng qirgʻogʻida, Hovaling qishlogʻidan 1 km shimoli-gʻarbda joylashgan shahar Ming harobasi oʻrnida boʻlgan. M.da hayot Kushon podsholigi davri (1—IV asr)dan moʻgʻullar istilosigacha (XIII asr boshi) davom etgan.
M. dastlab Avestoda va "Shohnoma"da tilga olingan. Ilk oʻrta asrlarda M. kichik shahar boʻlsada, keng rustoqqa ega boʻlgan. M. obod, chiroyli shahar boʻlib, aholisi jangovarligi bilan ajralib turgan. V. V. Bartold M.ni hozirgi Baljuvon oʻrnida boʻlgan deb hisoblaydi. M.ning qabristoni hozirgi Xonaqo qishlogʻi yonida boʻlgan, mayyitlar yogʻoch tobutlarda, shim.ga qaratib dafn qilingan. Mayyitlarning bir qismi (10—XIV asr) mongoloid irqiga mansub boʻlgan, 10—XII asrlarda M.da hunarmandchilik taraqqiy etgan.[1]
Manbalar
|
Bu maqolada boshqa til boʻlimlariga ishorat yoʻq. Siz ularni topib va ushbu maqolaga qoʻshib, loyihaga yordam berishingiz mumkin. |
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Ushbu maqola çaladir. Siz uni boyitib, ZiyoSferaga yordam berişingiz mumkin. Bu andozani aniqrogʻiga almashtirish kerak. |