Oʻzbekiston 24
Oʻzbekiston 24 – Oʻzbekiston milliy teleradiokompaniyasi tarkibidagi telekanal[1][2]. Telekanal sutkasiga 24 soat faoliyat olib boradi. Oʻzbekistondagi va jahondagi siyosat, iqtisodiyot, biznes, madaniyat, texnologiya va shu kabi sohalarga oid yangiliklarni va reportajlarni efirga uzatadi.
| Oʻzbekiston 24 | |
|---|---|
| Mamlakat |
 Oʻzbekiston |
| Namoyish vaqti | kunu-tun |
| Namoyish hududi |
Oʻzbekiston |
| Til(lar)i |
Oʻzbek tili Rus tili Ingliz tili |
| Boshqaruv markazi | Toshkent shahri |
| Mazmuni | axborot-maʼrifiy |
| Efirga chiqqan | 24-iyul 2017-yil |
Tarixi
2017-yil 2-may kuni oʻzbek ommaviy axborot vositalarida sobiq „Diyor“ telekanali oʻrnida „Oʻzbekiston 24“ telekanali tuzilishi haqida xabarlar tarqaldi[3]. 4-may kuni Oʻzbekiston Respublikasi Prezidenti „Oʻzbekiston 24“ axborot-tahliliy teleradiokanalini tashkil etish toʻgʻrisida"gi qarori qabul qilindi[4]. Qarorga muvofiq telekanalning umumiy shtat birliklari soni 251 ta etib belgilangan. 2017-yil iyun oyining boshlarida Xalqaro press klubda telekanal direktori Ozod Hamidxoʻjayev telekanal ochilgunga qadar radiokanal, veb-sayt undan keyin telekanal ochilishini maʼlum qilgan. Bunda efir vaqtining 70 foiz qismi oʻzbek tilida, 25 foizi rus tilida hamda 5 foiz qismi ingliz tilida yangiliklar berib borilishi aytilgan. „Oʻzbekiston“ telekanalidagi „Axborot“ teledasturi ham „Oʻzbekiston 24“ ga oʻtkazilgan[5]. Telekanal rasmiy ravishda 2017-yil 24-iyul kuni ilk marotaba efirga uzatilgan. Bundan bir oylar oldin, ommaviy axborot vositalarida telekanal 27-iyun „Matbuot va ommaviy axborot vositalari kuni“ munosabati bilan, shu sanada efirga chiqishini taxmin qilishgan, biroq Oʻzbekiston Milliy teleradiokompaniyasi bu xabarlarni tasdiqlamagan edi[6][7].
Faoliyati
Telekanal oʻz faoliyatini tun-u kun 24 soatlik rejimda amalga oshiradi. „Intervyu-24“, „Tafsilot“, „Maxsus reportaj“, „Taraqqiyot formulasi“ va „Studiya-24“ koʻrsatuvlari efir vaqtlarining asosiy qismini tashkil etadi.
Manbalar
- ↑ „“Oʻzbekiston-24” telekanali 3 yoshga toʻldi“. Yuz.uz.
- ↑ „O‘zbekiston 24“. Telepedia.org.
- ↑ „«Диёр» телеканали ўрнига «Ўзбекистон 24» информацион телерадиоканали ташкил этилади“. Daryo.uz.
- ↑ „Shavkat Mirziyoyev “O‘zbekiston 24” teleradiokanalini tashkil etish haqidagi qarorni imzoladi“. Daryo.uz.
- ↑ „«O‘zbekiston 24» kanali milliy TVda tub burilish yasaydi — direktor“. Gazeta.uz.
- ↑ „“O‘zbekiston 24” telekanali iyun oxirigacha ishga tushadi“. Daryo.uz.
- ↑ „«O‘zbekiston 24» telekanali qachon ish boshlashi aniq bo‘ldi“. Kun.uz.