Ziyosfera

Oana Gregory

Oana Gregory (tugʻilgan Oana Andriya Grigoruts[1], rumincha talaffuz: [ˈo̯ana anˈdree̯a ɡriɡoˈruts]; 1996-yil 9-yanvar) — rumin-amerikalik aktrisa va model. 2002-yil oktabrdan beri Amerika Qoʻshma Shtatlarida yashaydi, Gregory Disneyning Kickin' It, Lab Rats va Crash & Bernstein kabi mahsulotlaridagi rollari tufayli xalqaro miqyosda tanildi.

Oana Gregory

Gregory 2024-yilda
Tavalludi
Oana Andreea Grigoruț

1996-yil 9-yanvar (1996-01-09) (30 yosh)
Negrești-Oaș, Satu Mare, Ruminiya
Kasbi
  • Aktrisa
  • model
Faoliyat yillari 2009–hozir
Boʻyi 163 sm

Hayoti

Oana Gregori Ruminiyaning shimoli-gʻarbidagi Negrești-Oaș kichik shaharchada Dumitru va Mariana Grigoruts oilasida tugʻilgan[2]. U olti yoshga kirganida, oilasi, ayniqsa, Oana va uning akasi Dorel uchun yaxshiroq hayot qurish maqsadida Amerika Qoʻshma Shtatlariga koʻchib oʻtdi[3]. Oana boshlangʻich maktabni Chikagoda oʻqidi.

Faoliyati

2006-yilda Gregory International Models & Talent Association tashkiloti oʻtkazgan tanlovda ishtirok etdi. Ingliz tilida soʻzlashuvchi mamlakatlardan kelgan 1000 nafar ishtirokchi orasida Gregory oʻsmirlar toifasida „yil aktrisasi“ unvonini, shuningdek, shu toifada „yil modeli“ nominatsiyasida ikkinchi oʻrin sohibasi deb topildi[4]. Ushbu tanlovdan soʻng Gregory oʻzini vakillik qilishni istagan Gollivuddagi turli agentlik va menejerlardan 54 ta taklif oldi[3].

2009-yilda Oana mashhur bolalar kitoblari seriyasiga asoslangan Olivia animatsion komediya teleserialida ovoz berdi[5]. U 2011-yilda mustaqil Spork filmida bosh qahramon „Loosie Goosie“ roli orqali ilk badiiy filmidagi rolini ijro etdi[6]. Ushbu musikal komediya-dramasi uchta kinofestival mukofotini, CineKid mukofotini qoʻlga kiritdi va Britaniya Kino Instituti mukofotiga nomzod boʻldi. 2012-yilda Gregory Disney XD seriallari Lab Rats[7] va Kickin' Itda[5] takrorlanuvchi rollarni ijro etdi. Oʻsha yili u Disney XD kanalining 21 mamlakatda namoyish etilgan jonli „aka-uka komediyasi“ Crash & Bernstein (2012–2014)da 16 yoshli mashhur Amanda Bernstein, Wyattning opasi rolini oʻynadi[8]. Amanda roli uchun Gregory kastinglarda ishtirok etgan 2600 dan ortiq nomzod orasidan tanlab olingan[3].

2016-yilda u komediya veb-seriali WTH: Welcome to Howlerda Lacey sifatida takrorlanuvchi rol ijro etdi[5]. Gregory A Christmas Switch (2018) nomli telefilmda yoshlikdagi Laurel Samson rolini oʻynadi[9]. 2019-yilda Oana King Bachelor’s Pad komediya serialida paydo boʻldi[5], soʻngra 2020-yilda elektron musiqa guruhi Cheat Codesning „No Service in the Hills“ qoʻshigʻiga ishlangan musiqa videosida suratga tushdi[5].

Filmografiyasi

Badiiy filmlari
Yil Nomi Roli Izohlar
2011 Spork Loosie Goosie
2018 A Christmas Switch Laurel Samson Telefilm
Televizion rollari
Yil Nomi Roli Izohlar
2009 Olivia Qoʻshimcha ovozlar Ovoz berish; 26 qism
2012 Lab Rats Stephanie Takrorlanuvchi rol
Kickin' It Mika
2012–2014 Crash & Bernstein Amanda Bernstein Bosh rol
2016, 2018 WTH: Welcome to Howler Lacey Takrorlanuvchi rol; veb-serial
2019 King Bachelor’s Pad Gertrude Takrorlanuvchi rol
Musiqa videolari
Yil Nomi Ijrochilar Albom
2020 „No Service in the Hills“ Cheat Codes ft. Trippie Redd, Blackbear, Prince$$ Rosie Hellraisers, Pt. 2

Manbalar

  1. ↑ Florin Teodor Muresan. „Oana Gregory. Drumul către Hollywood“ (Romanian). GazetadeMaramures (2013-yil 25-mart). Qaraldi: 2024-yil 1-mart.
  2. ↑ Cătălina Matei. „Interviu cu Oana Gregory, singura vedetă Disney din România!“ (Romanian). ApropoTV (2014-yil 5-sentyabr). 2025-yil 25-yanvarda asl nusxadan arxivlangan. Qaraldi: 2024-yil 1-mart.
  3. ↑ 3,0 3,1 3,2 Cristina Cicau. „Povestea Oanei Gregory, noua Hannah Montana. Cum a ajuns românca să fie cea mai râvnită actriţă din Imperiul Disney“ (Romanian). Adevarul (2013-yil 15-noyabr). Qaraldi: 2024-yil 1-mart.
  4. ↑ Andreea Ciocanel. „Românca Oana Gregory a câştigat primii bani la vârsta de 10 ani“ (Romanian). Libertatea (2014-yil 20-oktyabr). Qaraldi: 2024-yil 1-mart.
  5. ↑ 5,0 5,1 5,2 5,3 5,4 „Oana Gregory - IMDb“. IMDb. Qaraldi: 2024-yil 1-mart.
  6. ↑ Mike Hale. „Life on the Fringe“. TheNewYorkTimes (2011-yil 26-may). Qaraldi: 2023-yil 22-oktyabr.
  7. ↑ Virginia Van de Wall. „8 Celebrities You Totally Forgot Guest Starred on 'Lab Rats'“. J-14 (2015-yil 2-iyul). 2024-yil 14-avgustda asl nusxadan arxivlangan. Qaraldi: 2024-yil 1-mart.
  8. ↑ Jennifer Wolfe. „Disney Announces 'Crash & Bernstein' Premiere“. AWN (2012-yil 30-avgust). Qaraldi: 2024-yil 1-mart.
  9. ↑ Kat Harlton. „Exclusive: An Interview With Jackie Seiden From UPTV's "Christmas Switch"“. HarltonEmpire (2018-yil 31-oktyabr). Qaraldi: 2024-yil 1-mart.

Havolalar

Vikiomborda „Oana Gregory“ mavzusi boʻyicha mediafayllar bor. 
"https://new.ziyosfera.uz/ziyo/Oana_Gregory" dan olindi