Sarsoʻzan

Sarsoʻzan (fors. — bosh va igna) — zargarlik buyumi; ayollarning bosh kiyimiga taqiladigan toʻgʻnogʻich. Boshga yopiladigan roʻmolyopinchiqni ayolning bosh kiyimi (ikki chakka)ga S. yordamida mustahkamlangan. S. turli shakldagi asosiy va shokila qismdan tuzilgan. Qadimda suyakdan yasalgan, keyinchalik bronza toʻgʻnogʻichlar bilan almashingan. XIX asrga kelib S. shabaka usulida sharcha (feruza koʻzlar qadalgani "anor" S.) hamda qushcha shaklida ishlangan yoki shokilalari qushcha bilan yakunlangan. Baʼzi joylarda sanchoq ham deb atalgan.