Ziyosfera

Stephanie Seymour

Stephanie Michelle Seymour (1968-yil 23-iyulda tugʻilgan)[1] – amerikalik model va aktrisa. 1980 va 1990-yillarda „Sports Illustrated Swimsuit Issue“ va „Vogue“ jurnalining muqovasi uchun suratga tushgan eng mashhur supermodellardan biri. Victoriaʼs Secret Angel sifatida tanilgan. Goʻzallikka oid maslahatlar haqidagi kitob muallifi boʻlib, kiyim-kechak va kosmetika mahsulotlari uchun reklama kampaniyalarida ishtirok etgan. 2017-yilda oʻzining ichki kiyimlar brendini ishga tushirgan. Shuningdek, aktrisalik faoliyatida ham oʻzini sinab koʻrgan.

Stephanie Seymour

Seymour 2008-yilda
Tavalludi 1968-yil 23-iyul (1968-07-23) (58 yosh)[1]
San Diego, Kaliforniya, AQSh
Kasbi
  • model
  • aktrisa
Faoliyat yillari 1983–hozirgacha
Turmush oʻrtogʻi
  • Tommy Andrews
    (turm. 1989; ajr. 1990)

    Peter Brant (turm. 1995)
Bolalari 4, shuningdek, Peter II
Modellik
Boʻyi 5 ft 10 in (1.78 m)
Soch rangi jigarrang
Koʻz rangi koʻk/kulrang
Agentlik

Yoshlik yillari va karyerasi

Stephanie Seymour Kaliforniyaning San-Diego shahrida tugʻilgan[3]. Otasi Kaliforniyada koʻchmas mulk bilan shugʻullanuvchi tadbirkor boʻlgan. Seymour 16 yoshida oʻz shahridagi mahalliy gazeta va doʻkonlar uchun model sifatida faoliyatini boshlagan. 1983-yilda 15 yoshida Elite Model Management Look of the Year (hozirda Elite Model Look deb ataladi) nomli tanlovning finaliga qadar yetib borgan[4].

1980-yillarning oxiri va 1990-yillarning boshlarida Seymourning surati „Sports Illustrated Swimsuit Issue“ jurnalining koʻplab sonlarida va „Vogue“ jurnali muqovasida paydo boʻlgan. 1991-yil mart oyida, soʻngra 1993-yil fevral oyida Seymour „Playboy“ jurnali uchun suratga tushgan[5]. Model 1980–1990-yillarning eng mashhur supermodellaridan biri boʻlib, uning nomi Ketrin Moss, Naomi Campbell, Linda Evangelista, Christy Turlington, Helena Christensen, Cindy Crawford va Claudia Schiffer bilan bir qatorda tilga olinadi.

Shaxsiy hayoti

14 yoshida Seymour oʻsha paytda 42 yoshda boʻlgan Elite Model Management agentligi rahbari John Casablancas bilan uchrasha boshlagan. Oʻsha vaqtda Casablancas model Jeanette Christiansenga uylangan edi[6]. Juftlik bir muddat birga yashagan, biroq keyinchalik Seymour bu munosabatlarga yakun yasagan[7].

1989-yildan 1990-yilgacha model gitarachi Tommy Andrewsga turmushga chiqqan[5]. Ularning Dylan ismli oʻgʻli bor.

Manbalar

  1. ↑ 1,0 1,1 „Stephanie Seymour: Model Profile“. nymag.com. 2017-yil 17-noyabrda asl nusxadan arxivlangan. Qaraldi: 2013-yil 18-mart.
  2. ↑ „Stephanie Seymour - Model“. MODELS.com.
  3. ↑ Arnold. „San Diegoʻs Super Models : Agencies Have Discovered Area and Best Talent Under the Sun“ (en-US). Los Angeles Times (1988-yil 13-mart). Qaraldi: 2025-yil 17-yanvar.
  4. ↑ „Stephanie Seymour“. People.com. 1994-05-09. February 5, 2012da asl nusxadan arxivlandi. Qaraldi: 2012-02-03.
  5. ↑ 5,0 5,1 „Stephanie Seymour Biography“. nymag.com. 2017-yil 17-noyabrda asl nusxadan arxivlangan. Qaraldi: 2008-yil 3-avgust.
  6. ↑ Smith. „Models ‘devirginised’ by predatory agency chiefs“ (en). The Times (2021-yil 14-avgust). Qaraldi: 2025-yil 31-avgust.
  7. ↑ Gross, Michael. Model: The Ugly Business of Beautiful Women. HarperCollins, 2003 — 449, 452, 456-bet. ISBN 0-06-054163-6. 

Havolalar

"https://new.ziyosfera.uz/ziyo/Stephanie_Seymour" dan olindi