Ziyosfera

Valijon Rahimov

Valijon Alijonovich Rahimov (ruscha: Рахимов, Валиджон Алиджонович; 16-fevral 1995-yil, Urganch) – oʻzbek futbolchisi, darvozabon pozitsiyasida oʻynaydi. Oʻzbekiston milliy terma jamoasi va Namanganning „Navbahor“ klubi futbolchisi.

Valijon Rahimov
Shaxsiy maʼlumot
Toʻliq ismi Valijon Alijonovich Rahimov
Tavallud sanasi 1995-yil 16-fevral (1995-02-16) (31 yosh)
Tavallud joyi Urganch Oʻzbekiston
Boʻyi 189 cm (6 ft 2 1⁄2 in)
Ampluasi Darvozabon
Klub maʼlumoti
Joriy klub
 Navbahor
Raqami TBD
Professional faoliyati*
Yillar Jamoa Isht. (Gol.)
2012—2014 Xorazm - (-)
2014—2017 Paxtakor - (-)
2017 Lokomotiv BFK - (-)
2018 Sultanorhanspor - (-)
2018 1920 Maraşspor 6 (0)
2019 Cayirova Spor 5 (0)
2020—2024 OKMK 47 (0)
2025 Andijon 6 (0)
2025 Bunyodkor 6 (0)
2026— Navbahor 6 (0)
Milliy terma jamoa
2021—2024 Oʻzbekiston 2 (0)
*Professional klublardagi gollari (ichki chempionat)
(2024-yil 10-dekabr uchun)

Futbolchilik faoliyati

Valijon Rahimov Xorazm futboli tarbiyalanuvchisi. Futbolchilik faoliyatini „Xorazm“ klubida boshlagan va keyinchalik 2014-yildan „Paxtakor“ yoshlar tizimida faoliyatini davom ettirgan. 2017-yilgi mavsumda Toshkentning boshqa bir jamoasi „Lokomotiv“ jamoasining farm jamoasi „Lokomotiv BFK“ jamoasi tarkibiga oʻtgan. 2018-yilgi mavsum oldidan Turkiyaning quyi liga jamoalaridan biri „Sultanorhanspor“ jamoasi tarkibiga oʻtgan. Sultanorhanspor jamoasida yarim mavsum davomida oʻynaganidan soʻng „1920 Maras Spor“ jamoasi tarkibiga oʻtgan. 2019-yilgi, yangi mavsum oldidan Valijon oʻzining Turkiyadagi uchinchi jamoasi „Cayirova Spor“ klubi bilan shartnoma imzoladi. „Cayirova Spor“ jamoasida bir mavsum davomida oʻynadi va 2020-yilgi mavsumda Oʻzbekistonga qaytdi. 2020-yilgi mavsum oldidan Oʻzbekiston Superligasining yetakchi jamoalaridan biri, Olmaliqning „OKMK“ jamoasi tarkibiga oʻtdi. Dastlabki mavsumidayoq AFC Osiyo Chempionlar ligasida ishtirok etdi[1] va jamoaning asosiy darvozabonlaridan biriga aylandi[2]. 2024-yil yanvar oyida „OKMK“ jamoasi bilan shartnomnasini ikki yil muddatga uzaytirgan[3].

Milliy terma jamoa

Valijon Oʻzbekiston milliy terma jamoasi tarkibida 2021-yil 9-oktyabrda Malaziyaga qarshi oʻyinda Srečko Katanec murabbiyligi davrida[4][5] ilk bor debyut qildi[6].

Yutuqlar

Manbalar

  1. ↑ „Valijon Rahimov: "Murabbiylarimiz ko'rsatmasini to'g'ri bajarish va kuchli xohish evaziga "Al Hilol"dan ochko olishimiz mumkin"“ (2021-yil 12-aprel).
  2. ↑ „AGMK darvozaboni bilan 2 yillik shartnoma imzoladi“ (18 fev 2022).
  3. ↑ „ОКМК Валижон Раҳимов билан шартномани узайтирди“ (2024-yil 10-yanvar). 2024-yil 12-yanvarda asl nusxadan arxivlangan. Qaraldi: 2024-yil 12-yanvar.
  4. ↑ „Valijon Rahimov: Katanec birinchi navbatda tartib-intizom bo'lishi kerakligini talab qilmoqda“ (09 okt 2021).
  5. ↑ „Katanec AGMKdan kimni taklif qildi?“ (30 sen 2021).
  6. ↑ „Terma jamoa. Malayziya mag'lub qilingan bahsda kimlar debyut qildi?“ (09 okt 2021).

Havolalar

"https://new.ziyosfera.uz/ziyo/Valijon_Rahimov" dan olindi