Vaqif Qarayev
Vaqif Məmmədvəli oğlu Qarayev (oʻzbekcha: Voqif Mammadvali o'g'lu, ruscha: Гараев, Вагиф Мамедвели оглы) (24-yanvar 1955-yil Mingechaur, Ozarbayjon SSR — 20-fevral 2021-yil, Moskva, Rossiya) — 2014-yildan 2018-yilga qadar Rossiya Federatsiyasining Bahrayndagi favqulodda va muxtor elchisi. U bu lavozimga mamlakat prezidenti Vladimir Putinning 2014-yil 29-dekabrdagi farmoni bilan tayinlangan.
| Vaqif Qarayev | |
|---|---|
Vaqif Məmmədvəli oğlu Qarayev | |
| Rossiya Federatsiyasining Bahrayndagi favqulodda va muxtor elchisi | |
|
Mansab davri 2014-yil 29-dekabrdan – 2018-yil 19-sentyabrgacha | |
| Oʻtmishdoshi | Viktor Simirnov |
Hayoti
Vaqif Qarayev 1955-yil 24-yanvarda Ozarbayjonning Mingechaur shahrida tugʻilgan. Oliy taʼlimni Moskva davlat xalqaro munosabatlar institutida olgan. 1997-yilda Rossiya Diplomatik akademiyasining oliy kursini bitirgach, diplomatik faoliyatini boshlagan. Ozarbayjon, arab, arman, fransuz va turk tillarida erkin gaplashgan. 1978-yildan diplomatik faoliyatini boshlagan[1].
Xizmat joylari
- 1994–1999 — Rossiya Tashqi ishlar vazirligi Konsullik boshqarmasining boshligʻi.
- 1999–2003 — Rossiya Federatsiyasining Halab shahridagi bosh konsuli.
- 2004–2007 — Rossiya Tashqi ishlar vazirligida Yaqin Sharq va Shimoliy Afrika boʻyicha bosh maslahatchi.
- 2007–2011 — Rossiya Federatsiyasining Arbil (Iroq) shahridagi bosh konsuli.
- 2011–2014 — Rossiya Federatsiyasining Basra (Iroq) shahridagi bosh konsuli.
- 2014-2018 — Rossiya Federatsiyasining Bahrayndagi favqulodda va muxtor elchisi[2] .
Diplomatik darajasi
- 2-darajali favqulodda va muxtor elchi (2002-yil 15-yanvar)[3].
Manbalar
- ↑ Mətanət Bağıyeva. Xaricdə yaşayan azərbaycanlılar. Qısa bioqrafik məlumat kitabçası. Bakı: "Papirus NP". ISBN 978-9952-8299-1-4.
- ↑ „Указ Президента Российской Федерации от 29.12.2014 № 823 "О назначении Гараева В.М. Чрезвычайным и Полномочным Послом Российской Федерации в Королевстве Бахрейн"“. Qaraldi: 2017-yil 7-iyul.
- ↑ „Указ Президента Российской Федерации от 15.01.2002 № 53 "О присвоении дипломатических рангов"“. Qaraldi: 2017-yil 7-iyul.