Ziyosfera

Vasiliy Utkin

Vasiliy Vyacheslavovich Utkin (ruscha: Василий Вячеславович Уткин; 6-mart 1972-yil – 19-mart 2024-yil) – rossiyalik sport muxbiri, muallif, „Futbol klubi“ telekoʻrsatuvining boshlovchisi, tele va radio boshlovchisi, koʻngilochar, aktyor va Rossiyaning Sports.ru sport veb-saytining ham egasi boʻlgan[1].

Vasiliy Utkin
Tavalludi 6-mart 1972-yil
Balashikha, Moskva viloyati
Vafoti 19-mart 2024-yil(2024-03-19)
(52 yoshda)
Moskva, Rossiya

Biografiyasi

U 2010-yil 1-sentabrda NTV Plus sport kanallari bosh muharriri etib tayinlangan va Match TVga qayta tuzilmaguncha bu lavozimda ishlagan[2].

Utkin 2015-yilda Tina Kandelaki bilan ishlashdan bosh tortgach, Match TV telekanalini tark etgan[3][4]. 2020-yilda uning Rossiyadagi yomon boshqaruv haqidagi qarashlari teleboshlovchi Vladimir Solovyov tomonidan hujumga uchradi[5].

Utkin shuningdek, hayratlanarli xatti-harakatlari va bayonotlari bilan tanilgan, baʼzilari hatto xalqaro janjallarga sabab boʻlgan[6][7][8][9][10][11].

Utkin oʻz faoliyati davomida ikki marta, 2001 va 2019-yillarda ochiq fikrlari uchun hujumga uchragan. Ikkinchi hujum Rossiya terma jamoasining sobiq bosh murabbiyi Stanislav Cherchesov bilan bogʻlangan[12].

Aktyorlik

Utkin Kvartet I ning „Saylov kuni“ spektaklida va „Saylov kuni“ (2007) va „Saylov kuni 2“ (2016) filmlarida gubernatorlikka nomzod Igor Saplin rolini ijro etgan[13][14].

Egrisi FK

2017-yilda Vasiliy Utkin Moskva havaskor futbol ligasining (HFL) shimoli-sharqiy hududidagi 3-divizionida oʻynaydigan „Egrisi“ (qadimgi Gruziya qirolligining nomi) havaskorlar jamoasining egasiga aylanadi[15]. Utkin AiF nashriga bergan interyusida quyidagilarni aytadi:

Ha, men bu klubni oʻz mablagʻim evaziga qoʻllab-quvvatlayman. Albatta, men mashgʻulot oʻtkazmayman. Bizda yosh murabbiy bor. Jamoa asosan yoshlardan iborat. Ulardan baʼzilari talabalardir. Bizning darvozabon esa, IT-biznes sohasi bilan shugʻullanadi. Biz ataylab futbolchilarga maosh toʻlamaymiz – hamma bir gʻoya uchungina oʻynaydi. Ammo ularda sifatli mashgʻulotlar uchun zarur boʻlgan hamma narsa mavjud. Jamoa 3-diviziondan 2-ligaga oʻtayotgan vaqtda jamoa bilan shugʻullanishni boshladim. Bu yil esa biz 1-diviziondamiz, u yerda yirik hisobda peshqadamlik qilmoqdamiz. Maqsad oliy havaskorlar ligasiga chiqish va u yerda pullik oʻyinchilarsiz va sobiq profissional futbolchilarsiz gʻalaba qozonish mumkinligini koʻrsatish. Nima uchun menga klub kerak edi? Birinchidan, men endi yoshlar qanday musiqa tinglashini bilaman. Ikkinchidan, bu juda qiziqarli faoliyat.

— Vasiliy Utkin[15]

2018-yil yozda Utkin jamoani ushlab turish uchun 1,5 million rubl sarflaydi. Ushbu mablagʻ uskunalar, liga toʻlovlari, maydonlarni ijaraga olish, hakamlar xizmatlari va boshqalarga sarflangan[15].

Vafoti

Vasily Utkin 2024-yil 19-mart kuni 52 yoshida[16] Moskvadagi Pirogov kasalxonasida vafot etdi[17]. Oʻlimning dastlabki sababi oʻpka emboliyasi edi.

Manbalar

  1. ↑ „Unitology: General Director Sports.ru Dmitry Navosha“ (2009-yil 4-avgust). 2012-yil 15-aprelda asl nusxadan arxivlangan. Qaraldi: 2011-yil 21-dekabr.
  2. ↑ Utkin appointed chief editor of sports channels NTV-Plus (Wayback Machine saytida 2013-10-29 sanasida arxivlangan) // televesti.ru, 31.08.2010
  3. ↑ Vasiliy Utkin otkazalsya rabotat pod rukovodstvom Kandelaki
  4. ↑ „«Несчастный, расплывшийся человек» – Соловьёв ответил на слова Уткина“. 2020-yil 15-aprelda asl nusxadan arxivlangan. Qaraldi: 2024-yil 19-mart.
  5. ↑ „«Несчастный, расплывшийся человек» – Соловьёв ответил на слова Уткина“. 2020-yil 15-aprelda asl nusxadan arxivlangan. Qaraldi: 2024-yil 19-mart.
  6. ↑ Sports commentator Utkin gave rise to an international scandal said that he would like every day to dip Lukashenko in the toilet
  7. ↑ Vasily Utkin: Find matching those of my recent replicas to the current BATE absurd
  8. ↑ Lenta.ru Russia: the Right message
  9. ↑ „Utkin grabbed a glass of vodka and splashed me in the face“. Sports.ru (2013-yil 17-oktyabr). Qaraldi: 2014-yil 26-iyun.
  10. ↑ NTV Plus defended Utkin from the Terek
  11. ↑ Utkin nicknamed FC Astana as „Fart-Woodpeckers“
  12. ↑ Jurnalist Utkin rasskazal o napadenii na nego v Moskve
  13. ↑ Actors at the official Kvartet I website (in Russian)
  14. ↑ Vasiliy Utkin at IMDb
  15. ↑ 15,0 15,1 15,2 „Как Василий Уткин стал владельцем футбольного клуба?“. aif.ru. Аргументы и Факты (2019-yil 20-aprel). Qaraldi: 20.03.24.[sayt ishlamaydi]
  16. ↑ Umer sportivniy jurnalist Vasiliy Utkin (ruscha)
  17. ↑ „Умер Василий Уткин“. meduza.io. Meduza (2024-yil 19-mart). Qaraldi: 2024-yil 19-mart.

Havolalar

"https://new.ziyosfera.uz/ziyo/Vasiliy_Utkin" dan olindi