Xanoy sahifasining manbasini koʻrish

[[Fayl:Skyline hanoi.JPG|200px|right]]'''Xanoy''' – [[Vyetnam]] poytaxti, Xongxa daryosining Bakbo qoʻltigʻiga quyilish yeridan 175&nbsp;km masofada joylashgan. Atrofidagi hududlar bilan markazga boʻysunuvchi maʼmuriy birlikni tashkil etadi. Aholisi 1,24 mln. kishi (1998). Iqlimi mussonli, subekvatorial, yanvarning oʻrtacha darajasi 16°, iyulniki esa 29°. Yillik yogʻin 1800&nbsp;mm.ni tashkil etadi. Transport yoʻllari chorrahasi. Aeroporti xalqaro ahamiyatga ega. Dengiz avanporti – Xayfon.

Xanoy – mamlakatning muhim iqtisodiy va madaniy markazi. Mamlakat sanoat mahsulotining 1/6 qismi Xanoyda ishlab chiqariladi. Mashinasozlik (jumladan, stanoksozlik, transport, elektrotexnika), kimyo, yogʻochsozlik, toʻqimachilik (ip gazlama, ipak), oziq-ovqat (jumladan, tamaki), keramika sanoati korxonalari mavjud. Hunarmandchilikda uy-roʻzgʻor, badiiy buyumlar tayyorlanadi. Kauchuk qayta ishlanadi. universitet (1918), politexnika instituti, Xo Shi Min maqbarasi, muzeylar, botanika bogʻi bor. Meʼmoriy yodgorliklardan Konfutsiyga bagʻishlangan „Adabiyot maskani“ ibodatxona majmuasi (1070), DyenBo pagodasi (<nowiki>XI</nowiki> asr) va boshqa saqlangan. Shahar 2 qismdan: Eski shahar va Yangi shahardan iborat. Xanoyga V asrda (baʼzi maʼlumotlarga koʻra VII asrda) asos solingan. IX-XI asrlarda Dayla, XI asrdan 1833-yilgacha Txanglaung yoki Dongkin deb atalgan. 1804-yilda poytaxt Xyue shahriga koʻchirilgach, Xanoy Vyetnam shimoliy qismining bosh shahri boʻlib qoldi. XIX asrning 80-yillari oʻrtalarida Tonkiy fransuz protektoratining maʼmuriy markazi, 1902-yildan Fransiya Hindixitoyi mustamlakasi maʼmuriy markazi. 1976-yil 2-iyundan Vyetnam Sotsialistik Respublikasi poytaxti.

{{Osiyo poytaxtlari}}
{{OʻzME}} <!-- Bot tomonidan yaratildi -->

[[Turkum:Vyetnam shaharlari]]


{{Vietnam-stub}}