Ziyosfera

Zelimxon Haydarov

Zelimxon Haydarov (1945-yil 25-iyul, Sirdaryo viloyati, Oʻzbekiston SSR[1]) — Oʻzbekiston Respublikasi Prezidenti Administratsiyasi Ishlar boshqarmasi boshligʻi[2][3][4].

Zelimxon Haydarov
Tavalludi 1945-yil
Fuqaroligi Oʻzbekiston
Bolalari 3 nafar
Mukofotlari „El-yurt hurmati“ ordeni

Tarjimai holi

Zelimxon Haydarov 1945-yil 25-iyul sanasida Sirdaryo viloyatida dunyoga kelgan. Otasi oʻzbek onasi esa kazan tatarlaridan boʻlgan[5][4]. Oilali, ikki nafar qizi va bir nafar oʻgʻli bor. Oʻzbekiston Respublikasi birinchi Prezidenti bilan birgalikda uzoq yillar davomida faoliyat olib borgan, shu bois ham Zelimxon Haydarov, Islom Karimovning eng ishongan odami sifatda qaraladi[3]. 1993 — 2018-yil oraligʻida Prezident devoni ishlar boshqarmasi boshligʻi lavozimida faoliyat yuritgan[5].

2018-yilning 27-avgustida Oʻzbekiston Respublikasi Prezidenti Shavkat Mirziyoyev Prezident devoni rahbar xodimlari ishtirokida yigʻilish oʻtkazib, Prezident devoni negizida Prezident Administratsiyasini tashkil etish va uning rahbar xodimlarini tayinlash yuzasidan farmonlar imzolagan[4].

Unga koʻra, koʻp yillardan buyon Oʻzbekiston Respublikasi Prezidenti devonida ishlar boshqaruvchisi lavozimida faoliyat yuritib kelayotgan Zelimxon Haydarov vazifasidan ozod etilgan. Shu kunning oʻzida u Oʻzbekiston Respublikasi Prezidenti Administratsiyasi Moliya-xoʻjalik departamenti rahbari lavozimiga tayinlangan[4].

2025-yil 14-iyul kuni Zelimxon Haydarov Oʻzbekiston Respublikasi Prezidenti Administratsiyasi Ishlar boshqarmasi boshligʻi lavozimiga tayinlandi. Bu haqda Prezident matbuot kotibi Sherzod Asadov maʼlum qildi[4].

Manbalar

  1. ↑ „Kimning yoshi nechada: O‘zbek amaldorlarining yosh bo‘yicha tasnifi“ (2021-yil 16-noyabr). Qaraldi: 2024-yil 19-iyul.
  2. ↑ „Senatning birinchi yig‘ilishidan fotoreportaj“ (2020-yil 21-yanvar). Qaraldi: 2024-yil 19-iyul.
  3. ↑ 3,0 3,1 „Зелимхон Хайдаров энди нима иш қилиши айтилди“ (2018-yil 28-avgust). Qaraldi: 2024-yil 19-iyul.
  4. ↑ 4,0 4,1 4,2 4,3 4,4 „Zelimxon Haydarov birinchi ma’muriyat davridagi lavozimiga qaytdi“ (2025-yil 14-iyul).
  5. ↑ 5,0 5,1 „ХАЙДАРОВ Зелимхон“. Qaraldi: 2024-yil 19-iyul. 
"https://new.ziyosfera.uz/ziyo/Zelimxon_Haydarov" dan olindi