Aleksandr Anishenko
- Vikipediyada ismi Aleksandr va familiyasi Anishenko boʻlgan boshqa kishilar haqida ham maqolalar mavjud.
Aleksandr Petrovich Anishchenko (ruscha: Анищенко, Александр Петрович; 1975-yil 14-aprelda, Moskvada tugʻilgan) – juftlikda konkida uchish musobaqalarida qatnashgan ozarbayjonlik figurali uchuvchi. 1998-yilgi Qishki Olimpiada oʻyinlari ishtirokchisi.
| Aleksandr Anishenko | |
|---|---|
| Shaxsiy maʼlumotlari | |
| Toʻliq ismi | Aleksandr Petrovich Anishchenko |
| Davlat |
 Ozarbayjon |
| Tavalludi |
1975-yil 14-aprel Moskva, RSFSR |
| Boʻyi | 178 cm (5 ft 10 in) |
| Sherigi | Inga Rodionova |
Tarjimai hol
Aleksandr 1975-yil 14-aprelda Moskva shahrida tugʻilgan. U Vladimir Zaxarov rahbarligida mashq qilgan[1].
Uch marta jahon chempionatlarida ishtirok etgan. Inga Rodionova bilan juftlikda 1997-yilda Lozannadagi turnirda 21-oʻrinni, 1998-yilda Minneapolisdagi turnirda 17-oʻrinni, 1999-yilda Helsinkida esa 15-oʻrinni egallagan[2].
Aleksandr uch marta Yevropa chempionatlarida qatnashgan. Inga Rodionova bilan juftlikda 1997-yilda Parijdagi turnirda 13-oʻrinni, 1998-yilda Milandagi turnirda 9-oʻrinni, 1999-yilda Pragada esa 12-oʻrinni egallagan[2].
1998-yilda Naganoda boʻlib oʻtgan Qishki Olimpiada oʻyinlarida Ozarbayjon terma jamoasi tarkibiga kiritilgan. Juftlik musobaqasida Inga Rodionova bilan birga 27,5 ball toʻplab, 18-oʻrinni egallagan. Ular oltin medal sohiblari boʻlgan rossiyalik Oksana Kazakova va Artur Dmitriyevdan 26 ballga orqada qolishgan[3].
Manbalar
- ↑ „Инга Родионова, Александр Анищенко“. f-skater.ru. 2024-yil 7-aprelda asl nusxadan arxivlangan. Qaraldi: 2024-yil 7-aprel.
- ↑ 2,0 2,1 „Olympedia – Aleksandr Anishchenko“. www.olympedia.org. 2022-yil 8-sentyabrda asl nusxadan arxivlangan. Qaraldi: 2024-yil 7-aprel.
- ↑ „Olympedia – Pairs, Mixed“. www.olympedia.org. 2022-yil 31-dekabrda asl nusxadan arxivlangan. Qaraldi: 2024-yil 6-aprel.
Havolalar
- Aleksandr Anishenko Olympedia saytida