Alisher Otaboyev

Ziyosferada ismi Alisher va familiyasi Otaboyev boʻlgan boshqa kishilar haqida ham maqolalar mavjud.

Alisher Abdujalilovich Otaboyev (1947-yil 17-aprel Margʻilon shahrida tugʻilgan) – Oʻzbekistonning atoqli davlat, siyosat va jamoat arbobi, Fargʻona viloyati hokimi, 2-chaqirilishdagi Oʻzbekiston Respublikasi Oliy Majlisi deputati.

Alisher Otaboyev
Alisher Abdujalilovich Otaboyev
Fargʻona viloyati hokimi
Mansab davri 2000-yil 15-yanvar – 2004-yil 15-oktyabr
Prezident	Islom Karimov
Bosh vazir	Oʻtkir Sultonov Shavkat Mirziyoyev
Avvalgisi	Abduhoshim Abdullayev
Keyingisi	Shermat Nurmatov
Shaxsiy maʼlumotlari
Tavalludi	17-aprel 1947-yil Margʻilon Oʻzbek SSR SSSR
Vafoti	18-iyul 2016-yil(2016-07-18) (69 yoshda) Fargʻona
Fuqaroligi	Oʻzbekiston
Siyosiy partiyasi	Oʻzbekiston Liberal-Demokratik Partiyasi
Turmush oʻrtogʻi	Raʼno Mahmudovna Qosimova (Fargʻona shahrida tugʻilgan) – Fargʻona davlat dorilfununi iqtisodiyot kulliyoti dekani.
Bolalari	Mahmud (1976), Sardor (1978)
Mukofotlari	Fayl:El-urt khurmaty rib.png (2002), medallar va koʻplab fahriy yorliqlar bilan taqdirlangan.

Hayot yoʻli

Alisher Otaboyev 1947-yil 17-aprel Margʻilon shahrida tugʻilgan. Fargʻona politexnika oliygoxini muhandis mutaxassisligi boʻyicha tamomlagan.

Oʻzbekistonning atoqli davlat, siyosat va jamoat arbobi, Fargʻona viloyati hokimi, 2-chaqirilishdagi Oʻzbekiston Respublikasi Oliy Majlisi deputati boʻlgan.

2000-yil 15-yanvarda Fargʻona viloyati hokimi lavozimiga uning nomzodini Oʻzbekiston Respublikasining Prezidenti Islom Karimov koʻrsatgan va Fargʻona viloyati xalq deputatlari kengashi tasdiqlagan edi.

Viloyat hokimi vazifasiga tayinlanguncha 1997-yildan 15-yanvar 2000-yilgacha Fargʻona viloyati hokimining 1-oʻrinbosari, undan avval esa 1997-yilgacha Fargʻona shahar hokimi lavozimida ishlagan.

2000-yil oktyabrdan 2004-yilgacha 174-sonli Beshariq saylov okrugidan 2-chaqirilishdagi Oʻzbekiston Respublikasi Oliy Majlisi deputati boʻlib saylangan. Fargʻona viloyati xalq deputatlari kengashi tomonidan nomzodi koʻrsatilgan.

Sovet davrida Fargʻona mexanika zavodi bosh muhandisi soʻngra direktori lavozimida ishlagan.

Oʻzbekistonning Mustaqilligini 11-yilligi munosabati bilan Alisher Otaboev Oʻzbekiston Respublikasining Prezidentining 2002-yild 27-avgustagi Farmoniga asosan, Oʻzbekiston ijtimoiy-iqtisodiy rivojlanishiga qoʻshgan hissasi va Vatan uchun qilgan mehnatlari yuksak baholanib, „El-yurt hurmati“ ordeni bilan taqdirlangan.

Oilasi

Xotini – Raʼno Mahmudovna Qosimova. 2 ta oʻgʻli: Mahmud (1976), Sardor (1978) va nevaralari bor.

Mukofotlari

• „El-yurt hurmati“ ordeni (Oʻzbekiston Respublikasining Prezidentining 27 avgust 2002 yildagi Farmoni).

Havolalar

• Tsentraziya Personi (Wayback Machine saytida 2018-06-29 sanasida arxivlangan)
• Xokimi oblastey Uzbekistana (Wayback Machine saytida 2018-06-29 sanasida arxivlangan)
• Situatsiya pod kontrolem

Oʻtmishdoshi: Abduhoshim Abdullayev

Fargʻona viloyati hokimi 2000-yil 15-yanvar — 2004-yil 15-oktabr

Vorisi: Shermat Nurmatov