Alp Arslon

Ҳофиз Абрунинг “Мажма’ ат-таворих” асаридан олинган миниатюра тасвири. Алп Арслоннинг Ҳирот тахтига чиқиши (1029-йил 20-январ – 1072-йил 15-декабр) тасвирланган.

Алп Арслон (форсча: آلپ ارسلان)(20-январ 1029-йил — ноябр 1075-йил) — Салжуқийларларнинг иккинчи султони (1063-1072), моҳир саркарда. Унинг асл исми Муҳаммад ибн Довуд. 1071-йилда Византия империяси ҳукмдори Рим Диоген билан жанг қилган Малазгирт жангидаги муваффақияти билан машҳур.

Грузия (1064), Озарбайжон (1064), Ўрта Осиё (1064-1065)ни забт этган. 1071-йил Мансикерт яқинида (Шарқий Туркияда, Ван кўли атрофида) Византия императори Роман ИВ Диоген (1068-1071) қўшинлари устидан зафар қозонган, натижада Кичик Осиёдаги Византия ерларини салтанатига қўшиб олган (кейинчалик бу ерларда Кўния султонлиги вужудга келган). Алп Арслон даврида мамлакат ишларини машҳур вазир Низомулмулк бошқарган. Алп Арслон Бухорога юриш пайтида вафот этган.

Адабиётлар

• ЎзМЕ. Биринчи жилд. Тошкент, 2000-йил