Bering boʻgʻozi

Беринг бўғози – Шимоли-Шарқий Осиё ва Шимолий Америка оралиғидаги бўғоз. Шимолий Муз океани (Чукотка денгизи)ни Тинч океан (Беринг денгизи) билан боғлайди. Узунлиги 96 км, кенглиги 86 км, энг саёз жойининг чуқурлиги 36 м. Октабрдан августгача бўғозда сузиб юрувчи музлар кўп бўлади.

Антропоген даврида Беринг бўғози ўрнида бир неча марта денгиз туби кўтарилиб ҳар икки қитъани бирлаштирувчи қуруклик „кўприги“ пайдо бўлган. Бўғоз ўртасидаги Диомид ороллари орқали Россия Федерацияси ва АҚСҲнинг давлат чегараси ўтган.

Беринг бўғозини дастлаб 1648-йил казак СИ. Дежнев сузиб ўтган, сўнгра 1728-йилда В. Беринг экспедицияси тадқиқ қилган (бўғоз экспедиция раҳбари номи билан аталган). Соҳиллари 1732-йил харитага туширилган.

Адабиётлар

• ЎзМЕ. Биринчи жилд. Тошкент, 2000-йил