Chexoslovakiya

Чехословакия (Čэскословенско), Чехо-Словакия (Čэско-Словенско) — Марказий Европадаги давлат (1993-йилгача мавжуд бўлган). 1918-йил Австрия-Венгрия империясининг парчаланиши натижасида чех ва словак халкдари ерларида ташкил бўлган. 1938-йили октябрда — 1939-йил мартда Германия томонидан босиб олинган. 1945-йил майда Чехословакия ҳудуди озод этилгач, ягона, мустақил давлат сифатида қайта тикланди; 1948-йил халқ демократик республикаси деб эълон килинди. Ҳокимият тепасида Чехословакия КП турган (1989-йилгача). 1960—1990-йил мартда Чехословакия Социалистик Республикаси (CҲССР) деб аталди. 1968-йилда авж олган жамиятни демократик янгилаш жараёни 1968-йил августда Варшава шартномаси ташкилоти аъзолари бўлган 5 давлат (СССР, Болгария, Венгрия, Герман Демократик Республикаси, Полша) қўшинлари томонидан барбод этилди. 1990-йилдан Чехословакия федератив давлат сифатида Чех ва Словак Федератив Республикаси (CҲСФР) номида бўлди. 1992-йил ноябрда CҲСФР парламенти 1993-йил 1-январдан чехословак федерацияси тугатилганлиги ва у Чехия ҳамда Словакия республикаларига ажратилганлиги тўғрисида федерал қонун қабул қилди.