Harry Markowitz

МАРКОВИТС (Маркоwитз) Ҳарри - америкалик иқтисодчи. Калифорния университети профессор (1968), "Арбитраж менежмент компани" президента (1969—72), Пенсилвания университети молия профессор (1972—74), Рутжеров университетининг иқтисодиёт ва молия бўйича хизмат кўрсатган профессор Америка молия ассоциацияси президенти. М. қимматли қоғозлар бозорига математик усулларни кўллаш имкониятларини, шунингдек, портфел инвестицияларини танлаш, инвестицияларни самарали диверсификациялаш муаммоларини тадқиқ этган. У турли қимматли қоғозларга капитални оптимал инвестициялаш назариясини яратди. М.нинг портфел инвестиция назарияси асосида қимматли қоғозларни диверсификациялашнинг мақсадга мувофиқлиги ва хатарларни баҳолаш тўғрисидаги ғоялари АҚШда катта муваффақият қозонди. Йирик асарлари: "Портфел танлови: инвестицияларнинг самарали диверсификацияси" (1959), "Портфелни ва капитал бозорларини танлашда ўртача ва дисперсиялар тахдили" (1987). Нобел мукофоти лауреати (1990; Мертон Миллер ва Wиллиам Ф. Шарпе билан бирга).