Kort

Корт (инглизча: cоурт — ҳовли) — теннис ўйналадиган майдон. Яккалик ўйинлар учун К.нинг ўлчами 23,77 х 8,23 (жуфтликлар учун 23,77х10,97) м бўлиб, кўндаланг чизиғи ўртасига металл чилвир ёрдамида тўр тортилади. Тўрнинг майдон ўртасидаги баландлиги 0,914 м, чекка устунлари олдидаги баландлиги 1,07 м. Марказий чизикдан 6,4 м узоқликда узатиш чизиғи чегараси ўтказилади ва бу май-дончалар тенг 2 га бўлинади. Чизикларнинг кенглиги 5 см. К.нинг орқа чизиғидан 6,4 м гача, ён чизиғидан 3,7 м гача ўйин майдони бўлиши лозим. Копток кетиб қолмаслиги учун майдон тўр билан ўралади. К.лар қумли, майсали, қаттиқ ва синтетик қопламали бўлиши мумкин. Дастлабки К. Франсия қироли Генрих ВИИИ фармонига асосан, 1529-йилда Парижда бунёд этилган. Тошкентда илк К. 1903-йилда қурилган. Ҳозирги кунда Ўзбекистонда 530 та корт бор (2002). Тошкент шаҳридаги "Юнусобод", "Динамо" ва вилоятлар марказларидаги К.лар жаҳон андозаларига жавоб беради.