Kyoln universiteti

Kyoln universiteti — Germaniyaning qadimgi va yirik oliy oʻquv yurtlaridan biri. 1388-yil tashkil etilgan. Iqtisod, ijtimoiy fanlar, huquq, tibbiyot, falsafa, tabiiy-matematika va boshqa ixtisosliklar boʻyicha mutaxassislar tayyorlaydi. Universitetda 57 mingga yaqin talaba oʻqiydi. Kutubxonasida 1,5 mln.dan ortiq asar saqlanadi. Kyoln universiteti Germaniyadagi yirik va ilmiy tadqiqotlarga ixtisoslashgan yetakchi universitetlar birlashmasi — German U15 aʼzosi hisoblanadi. U, shuningdek, Germaniya Universitetlari Mukammallik tashabbusi doirasida 2012–2019-yillarda „mukammal universitet“ maqomiga ega boʻlgan. Köln universiteti xalqaro reytinglarda doimiy ravishda Germaniyaning eng yaxshi 20 ta universiteti qatoridan joy olib keladi.

Kyoln universiteti

Universität zu Köln
Turi	Xalqaro
Asos solingan sanasi	1388-yil
Byudjeti	€897.9 million
Rektori	Joybrato Mukherjee
Talabalari	50,792
Joylashuvi	Kyoln , Shimoliy Reyn-Vestfaliya , Germaniya
Kampusi	Urban
Tili	Nemis tili
Veb-sayti	university.cologne

Kyolln universitetida 5 ta Mukammallik klasteri mavjud: Qarish boʻyicha tadqiqotlar uchun CECAD Mukammallik klasteri, Iqtisodiyot va davlat siyosati: bozorlar boʻyicha ECONtribute Mukammallik klasteri, Oʻsimlik fanlari boʻyicha CEPLAS Mukammallik klasteri, Kvant axboroti uchun modda va yorugʻlik yoʻnalishidagi ML4Q Mukammallik klasteri hamda DYNAVERSE Mukammallik klasteri. 2025-yil holatiga koʻra, Kyoln universitetining mashhur bitiruvchilari, professor-oʻqituvchilari va tadqiqotchilari orasida 5 nafar Nobel mukofoti laureati, 11 nafar Gottfried Wilhelm Leibniz mukofoti sovrindori, 8 nafar Humboldt professori unvoni sohibi hamda 2 nafar Humboldt tadqiqot mukofoti sovrindori mavjud.