Mazachcho

Мазаччо (Масаccио), асли Томмазо ди Жованни ди Симоне Кассаи (Гвиди) (1401. 21.12, Тоскана — 1428-йилнинг кузи, Рим) — итал-ян рассоми, Флоренсия мактабининг йирик намояндаси. М. ижодида готика анъаналарини қатъий енгиб, диний ла-вҳаларда инсон шахси ҳақидаги инсонпарварлик тушунчаларини акс эттирган. 1422-йилдан Флоренсияда яшаган, Пиза ва Римда ҳам ишлаган. Илк асарлари ("Мадонна авлиё Анна билан", тахминан 1424; Пизадаги Санта-Мария дел Кармине черкови учун полиптих, 1426 ва бошқалар)даёқ ҳаракатчан нурсоя, умумлашма шаклнинг маҳобатлилигига интилиши, шаклнинг уч ўлчамлилигини ўта ҳис қилиши билан диқкатга сазовор (Флоренсиядаги Санта-Мария дел Кармине черковидаги капелла безаклари, 1425—28 ва б). М. илк бор деворий рассомликда композицияга алоҳида улуғворлик ва мутаносиблик бахш этувчи янги тузилма яратди ("Троица", 1425—27, Флоренсиядаги Санта-Мария Новелла черкови ва б). М. санъати Уйғониш даври бадиий маданияти (жумладан, Перо делла Франческа, Микеланжело ва бошқалар)га сезиларли таъсир кўрсатган.