Nijniy Novgorod
Нижний Новгород (1932—90-йилларда Горкий) – Россия Федерациясидаги шаҳар, Нижний Новгород вилояти маркази. Ока дарёсининг Волгага қуйилиш жойида. Йирик дарё порти, темир йўл тугуни. Аҳолиси 1367,6 минг киши (1998). Машинасозлик ва металлсозликнинг (автомобилсозлик, станоксозлик, „Металлист“ ва бошқа ишлаб чиқариш бирлашмалари, „Красное Сормово“, дизелсозлик, авиасозлик, алоқа аппаратураси, телевизор ва бошқа заводлар) йирик маркази. Қора ва рангли металлургия, кимё ва нефт кимёси, кимё-фармацевтика, ёғочсозлик, қурилиш материаллари, озиқ-овқат, енгил саноат корхоналари бор. 1985-йилдан метрополитен ишлаб турибди. 9 олий ўқув юрти (шу жумладан, университет), 5 театр, бадиий, Максим Горкий, Николай Добролюбов музейлари, тарихий-меъморий қўриқхона бор. Шаҳарга 1221-йилда асос солинган. 1341—92-йилларда Нижний Новгород Суздал князлигининг пойтахти. 1611—12-йилларда Нижний Новгородда Кузма Минин ва княз Дмитрий Пожарскийнинг халқ лашкари тузилган. Нижний Новгород 1719-йилдан губерня маркази. 19—ХХ аср бошларида Нижний Новгород улгуржи буғдой савдосининг муҳим савдо-молия маркази. Шаҳарда подшо Россияси давридан деярли ҳар йили ярмарка ўтказилиб келинмоқда. Меъморий ёдгорликлардан Кремл (ХВИ—ХВИИ асрлар), Благовешченск монастири (ХВИИ аср), Печёра монастири (ХВИИ аср), Смоленская (ХВИИ аср охири) ва Рождественская черковлари сақланган[3].
Нижний Новгород русча: Нижний Новгород | |
|---|---|
| Федерал округнинг маъмурий маркази | |
 Байроқ  Герб | |
| 55°45′21″Н 37°37′04″Э / 55.75583°Н 37.61778°Э | |
| Мамлакат | Россия |
| Ҳукумат | |
| • Мер | Юрий Шалабаэв |
| Асос солинган | 1221 |
| Илк эслатилиши | 1221 |
| Майдон | 4,665[1] км2 (1,801 кв ми) |
| Маркази баландлиги | 200 м |
| Расмий тил(лар)и | русча |
| Аҳолиси (2017) |
1 269 324 |
| Зичлиги | 3084,81 киши/км2 |
| Миллий таркиб |
руслар 93,93 татарлар 1,33% мордвалар 0,58% украинлар 0,53%[2] |
| Конфессиявий таркиб | Христианлар, Мусулмонлар в.ҳ |
| Вақт минтақаси | УТC+3 |
| Телефон коди | +7 831 |
| Почта индекс(лар)и | 603000—603999 |
| Автомобил коди | 52, 152 |
|
| |
.svg)
Манбалар
- ↑ Генеральный план города Нижнего Новгорода. Пояснительная записка, 2016-03-06да асл нусхадан архивланди, қаралди: 2017-01-11
- ↑ „Всероссийская перепись населения 2010 года“. Росстат. 2020-йил 13-майда асл нусхадан архивланган. Қаралди: 2017-йил 11-январ.
- ↑ ЎзМЕ. Биринчи жилд. Тошкент, 2000-йил
 | Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
 | Россия оид уşбу мақола çаладир. Сиз уни бойитиб, ЗиёСферага ёрдам бериşингиз мумкин. |