Qibris Respublikasi sahifasining manbasini koʻrish

{{Ambox|text=Ushbu maqolaning nomi Oʻzbekiston milliy ensiklopediyasida (2000-yil) '''Kipr''' yoki '''Kipr Respublikasi''' deb belgilangan. Uning nomini oʻzgartirish lozim deb hisoblasangiz [[Munozara:Kipr Respublikasi|munozara]] sahifasida murojaat qoldiring.}}

{{Maʼnolari|Kipr}}
{{Kipr maʼlumotlari}}
'''Qibris''' yoki '''Kipr''' ([[yunoncha]]: ''Kypros'', [[turkcha]]: ''Kibris'', [[arabcha]]: ''Qubrus''), '''Qibris Respublikasi''' ([[Yunon tili|yunoncha]] – ''Kypriaki Dimokratia'', [[turkcha]] – ''Kıbrıs Cumhuriyeti'') – [[Gʻarbiy Osiyo]]da, Oʻrta dengizning sharqiy qismidagi Qibris orolda joylashgan davlat. Maydoni 9251&nbsp;km². Aholisi 1,363,000 kishi [https://www.worldometers.info/world-population/cyprus-population/] ([[2024]]). [[Poytaxt]]i – ''[[Nikosiya]]'' shahri Maʼmuriy jihatdan 6 okrug (district)ga boʻlinadi.

== Davlat tuzumi. ==
Qibris – respublika. [[Buyuk Britaniya]] boshchiligidagi Hamdoʻstlikka kiradi. Amaldagi konstitutsiyasi [[1960|1960-yilda]] qabul qilingan va keyinchalik tuzatish hamda qoʻshimchalar kiritilgan. Davlat boshligʻi [[prezident]] ([[1993|1993-yildan]] Glafkos Kliridis). Prezident qibrislik yunon jamoasi, vitse-prezident qibrislik turk jamoasi tomonidan toʻgʻri saylov yoʻli bilan 5 yilga saylanadi. Qonun chiqaruvchi hokimiyat Vakillar palatasi ([[Yunonlar|yunon]] va [[Turklar|turk]] jamoalari vakillaridan iborat bir palatali parlament). Ijroiya hokimiyatni prezident va vitse-prezident boshkaradi hamda hukumat (Vazirlar Kengashi)ni tayinlaydi. Prezident hukumatga boshchilik qiladi.

== Tabiati ==
Qir va togʻ koʻp, sharqi pasttekislik. Shimoliy qirgoklari tik va serqoya. Shimoliy sohili boʻylab Kireniya (1023 m gacha) va Karpas tizmalari (364 m gacha) joylashgan. Qibris hududining markaziy va janubiy qismida Troodos togʻ massivi bor (eng baland joyi 1951 m). Shimoliy va janubdagi tizmalarni keng Mesaoriya tekisligi (balandligi 200 m gacha) ajratib turadi. Qazilma boyliklardan xromit, temir va mis rudalari, asbest va boshqa bor. Iqlimi subtropik Oʻrta dengiz iqlimi. Yozi issiq (25—35°), qishi yumshoq (10—15°), seryogʻin. Yillik yogʻin tekislikda 300–500&nbsp;mm, togʻlarda 1000–1300&nbsp;mm. Togʻ etaklari va tekisliklarda doim yashil butazorlar, Kireniya va Karpas tizmalarining ohaktoshli janubiy yon bagʻirlarida dasht oʻsimliklari oʻsadi. Qibris hududining 18% oʻrmon: dub, sarv, halab qaragʻayi, togʻ vodiylarida yulgʻun, sambit oʻsadi. Ilon, toʻngʻiz, kaltakesak, buqalamun, kalxat, burgut va boshqa bor.

Aholisining 78% qibrislik yunonlar, 18% qibrislik [[turklar]]. [[Inglizlar]], [[arablar]], [[armanlar]], [[italyanlar]] ham yashaydi. [[Yunon tili|Yunon]] va [[Turk tili|turk tillari]] – rasmiy. [[Yunonlar]] [[Pravoslavlik|pravoslav]], [[turklar]] islom diniga eʼtiqod qiladi. Shahar aholisi 68%.

== Tarixi ==
Qibris hududida odam neolit davridan yashaydi. Miloddan avvalgi XV—XI asrlarda Qibrisni [[axeylar]], [[IX asr]]da finikiylar, [[VIII asr]] oxirida ossuriylar, [[VI asr]]da ahomaniylar bosib oldi, [[333]]—[[323|323-yillarda]] makedoniyalik Aleksandr, 294—258-yillarda Ptolemeylar davlati, 58 yildan Rim imperiyasi qoʻl ostida boʻldi. Rim imperiyasi qulagach (milodiy 395 yil), Qibris [[Vizantiya]] tarkibiga oʻtdi. [[648-yil]] orolni [[arablar]], [[1191-yil]] salibchilar egalladi. [[1489]]—[[1571|1571-yillarda]] Venetsiya, [[1571-yil]]dan [[Usmonli turk imperiyasi|Usmonli turk]] davlatiga qaram boʻldi.

XIX asrda qibrislik yunonlarning Qibrisni Yunonistonga qoʻshish harakati paydo boʻldi. [[1878-yil]] Qibrisni [[Buyuk Britaniya]] bosib oldi. [[1925-yil]] Qibris Angliya mustamlakasi maqomini oldi. 1931-yil ingliz hukmronligiga qarshi stixiyali qoʻzgʻolon boshlandi, lekin uni mustamlakachilar shafqatsizlik bilan bostirdi. Ikkinchi jahon urushi yillari ([[1939]]—[[1945]]) 20 mingdan ortiq qibrislik ingliz qoʻshinlari safida Germaniyaga qarshi urushda qatnashdi. Urushdan keyin K.da milliy ozodlik harakati avj olgach, Buyuk Britaniya yon berishga majbur boʻldi. [[1960-yil]] [[16-avgust]]da Qibris mustaqil respublika deb eʼlon qilindi. Makarios III prezident, F. Kichik vitse-prezident etib saylandi.

K.dagi yunon va turk jamoalari oʻrtasidagi kelishuvga koʻra, mamlakat prezidenta qibrislik yunonlardan va vitse-prezidenti qibrislik turklardan saylanar edi. Biroq 1963-yilda qibrislik yunonlar bilan qibrislik turklar oʻrtasidagi munosabat keskinlashib, natijada ikkala jamoaning birgalikdagi faoliyati toʻxtadi. [[1965|1965-yilda]] yunon jamoa palatasi bekor qilindi. 1967-yil dekabrda qibrislik turklar „Muvaqqat turk maʼmuriyati“ni tuzdilar. [[1983|1983-yilda]] „Shimoliy Qibris turk respublikasi“ eʼlon qilindi, ammo Shimoliy K. turk respublikasi K. Respublikasi hukumati tomonidan tan olinmagan. [[1964|1964-yil]] martdan buyon bu yerda [[BMT]] qoʻshinlari turibdi. Xalqaro hamjamiyat vositachiligida K. muammosini bartaraf etish yuzasidan jamoalar oʻrtasida muzokaralar oʻtkazilyapti. Qibris [[1960|1960-yildan]] BMT aʼzosi. Oʻzbekiston Respublikasi bilan diplomatiya munosabatlarini [[2001|2001-yilda]] oʻrnatgan. Milliy bayrami – 1-oktabr – Mustaqillik kuni ([[1960]]).

Qibris – Oʻrta yer dengizidagi Qibris orollarida joylashgan davlat. [[1960|1960-yil]] [[16-avgust]]da [[Buyuk Britaniya|Buyuk-Britaniyadan]] mustaqillik olgan, Britaniya hamkorligi aʼzosi. [[Yunonlar|Yunon]] va [[Turklar|turk]] jamoalari oʻrtasida toʻqnashuvni keskinlashuvi tufayli dekabr [[1967|1967-yilda]] „muvaqqat turk maʼmuriyati“ tuzilgan. [[1975|1975-yil]] [[13-fevral]]da orolning shimoliy qismida, jahon hamjamiyati tomonidan tan olinmagan [[Turkiya federativ davlati]] eʼlon qilingan, u [[1983|1983-yil]] [[15-noyabr]]da Shimoliy Qibris Turk Respublikasi deb atalgan.
Maʼmuriy boʻlinishi: 6 okrugdan iborat. Oʻzgartirish va qoʻshimchalar bilan [[1960|1960-yil]] [[16-avgust]]da qabul qilingan [[Konstitutsiya]] amal qiladi.
Davlat boshligʻi – [[Prezident]]. U aholini 80% ni tashkil etuvchi [[Yunonlar|yunon]] jamoasi tomonidan saylanadi. [[Vitse-prezident]] turk jamoasi tomonidan saylanadi. Ularning vakolat muddati 5 yil. [[Parlament]]i – Vakillar palatasi, 80 ta [[deputat]]dan iborat. Ularning 56 tasi [[Yunonlar|yunon]] jamoasi, 24 tasi turk jamoasi tomonidan saylanadi. [[1963|1963-yil]] dekabrdan boshlab [[Turklar|turk]] jamoasi [[saylov]]da ishtirok etmayapti.

Ijro hokimiyati [[Prezident]] va vitse-prezident tomonidan amalga oshiriladi. Ular hukumat – Ministrlar Kengashini tayinlaydi va uni boshqaradi. [[Turklar|Turk]] jamoasi hukumatda ishtirok etmaydi.

== Siyosiy partiyalari, kasaba uyushmalari ==
Demokratik partiya (shu nomdagi yunonlar partiyasi [[1976-yil]]da, turklar partiyasi [[1992|1992-yilda]] tuzilgan); Demokratik yigʻin, [[1976-yil]]da asos solingan; Sotsial-demokratlar harakati, [[2000|2000-yilda]] Yagona markaz demokratik ittifoqi asosida tuzilgan; Liberal partiya, 1986-yilda barpo etilgan; Birlashgan demokratlar, 1996-yilda tuzilgan; Milliy birlik partiyasi, [[1975-yil]]da turk jamoasi asos solgan; Ijtimoiy ozodlik partiyasi, [[1976|1976-yilda]] turk jamoasi toʻzgan; K. mehnatkash xalq ilgʻor partiyasi (AKEL), [[1926|1926-yildan]] [[1941|1941-yilgacha]] faoliyat koʻrsatgan Qibris kommunistik partiyasining vorisi sifatida [[1941|1941-yilda]] tuzilgan; Respublikachi turk partiyasi, [[1970|1970-yilda]] asos solingan. Kasaba uyushma birlashmalari: UmumQibris mehnat federatsiyasi, [[1946|1946-yilda]] tuzilgan; Qibris mehnatkashlar konfederatsiyasi, 1944-yilda tuzilgan; K. turk kasaba uyushma federatsiyasi (Turksen), [[1954|1954-yilda]] asos solingan; Qibris inqilobiy kasaba uyushmalari federatsiyasi (Devish), [[1976|1976-yilda]] tuzilgan.

== Xoʻjaligi ==
Qibris – agrar-industrial mamlakat. Iqtisodiyotda xizmat koʻrsatish sohasining salmogʻi katta. Yalpi ichki mahsulotda bu sohaning ulushi 47%, qishloq xoʻjaligi ulushi 8%, sanoatning ulushi 20%. Mamlakat maydonining 65% ishlanadi, shundan 12% sugʻoriladi. Asosiy ekinlari – bugʻdoy, arpa, suli, kartoshka, dukkakli va poliz ekinlari. Oʻzum, bodom, yongʻoq, sitrus, zaytun, paxta, tamaki, sabzavot ham yetishtiriladi. Togʻlarda qoʻy, echki, choʻchqa, qoramol boqiladi. Pillachilik rivojlangan, sohillarda baliq, suv jonivorlari ovlanadi. Mahalliy maʼdan zahiralari asosida konchilik sanoati mavjud. Asosan, eksport uchun mis, temir, xrom rudalari, marmar, asbest, gips qazib olinadi. Ishlab chiqaruvchi sanoat kichik-kichik toʻqimachilik, tikuvchilik, koʻn-poyabzal, vinochilik, yogʻ, tamaki, konserva va boshqa korxonalardan iborat. Sement ishlab chiqariladi. Larnaka shahrida chetdan keltirilgan neft asosida ishlovchi neft mahsulotlari zavodi bor. 1 yilda oʻrtacha 2,1 mlrd. kVtsoat elektr energiya hosil qilinadi. Hunarmandchilik (temirchilik, kulolchilik) rivojlangan.

Chet el sayyohligi tez surʼatda rivojlanib, xorijiy valyuta tushumining asosiy manbalaridan biri hisoblanadi. Qibrisda ishlab turgan 17 mingdan koʻproq offshor kompaniya yiliga oʻrtacha 200 mln. dollar daromad keltiradi. Asosiy transport turi – avtomobil. Avtomobil yoʻllari oʻz – 10,2 ming km dan ortiq, shundan 4,2 ming km ga yaqini asfaltlangan. Dengiz floti rivojlangan. Asosiy dengiz portlari – Famagusta, Limasol. Xalqaro aeroportlari – [[Nikosiya]], Larnakada. Chetga, asosan, maʼdanli xom ashyo, sitrus mevalar, oʻzum mahsulotlari, kartoshka, tayyor kiyim va boshqa chiqaradi, chetdan mashina va asbobuskuna, oziq-ovqat, kimyoviy moddalar, neft mahsulotlari oladi. Savdo-sotikdagi mijozlari: [[Yevropa Ittifoqi]] davlatlari va arab mamlakatlari. Pul birligi – Qibris funti.

== Maorifi, ilmiy va madaniy-maʼrifiy muassasalari ==
Mamlakatda yunoncha va turkcha taʼlim tizimlari mavjud. Yunoncha tizim: 6—14 yoshdagi bolalar uchun taʼlim majburiy, bepul. Boshlangʻich maktabda oʻqish muddati 6 yil, oʻrta maktabda ham 6 yil Oliy taʼlim chet elda, asosan, Yunonistonda olinadi. Bir qancha oʻquv yurtlari – pedagogika akademiyasi, texnika instituti, oʻrmon-texnika instituti va boshqa toʻliq oliy maʼlumot bermaydi. Turkcha tizim: 6—15 yoshdagi bolalar uchun taʼlim majburiy, bepul, boshlangʻich maktabda oʻqish muddati 6 yil, oʻrta maktabda ham 6 yil pedagogika kolleji bor. Nikosiyada K. ilmiy tadqiqot markazi ([[1967|1967-yildan]]), Qibrisni oʻrganish jamiyati (1936-yildan), K. geografiya jamiyati ([[1968|1968-yildan]]) va boshqa ishlaydi. Nikosiyada Faneromeni ommaviy kutubxonasi, maorif vazirligining kutubxonasi, Famagusta shahrida ommaviy kutubxona, shuningdek, K. muzeyi, Tarix muzeyi, Xalq sanʼati va lapidariy muzeyi, Larnaka, Limasol, Famagusta shaharlarida muzeylar bor. Matbuoti, radioeshittirishi va telekoʻrsatuvi. K.da bir qancha gaz. va jurnallar nashr etiladi. Yiriklari: „Agon“ („Koʻrash“, yunon tilidagi kundalik gazeta, [[1964|1964-yildan]]), „Alitiya“ („Haqiqat“, yunon tilidagi kundalik gazeta, [[1951|1951-yildan]]), „Birlik“ (turk tilidagi kundalik gazeta, [[1980|1980-yildan]]), „Filelefteros“ („Liberal“, yunon tilidagi kundalik gazeta, 1956-yildan), „Xalqin sesi“ („Xalq ovozi“, turk tilidagi kundalik gazeta, [[1941|1941-yildan]]), „Haravgi“ („Tong“, yunon tilidagi kundalik gazeta, 1956-yildan), „Neos dimokratis“ („Yangi demokrat“, yunon tilidagi jurnal). K. axborot agentligi 1976-yilda tashkil etilgan. K. radioeshittirish korporatsiyasi hukumat radio va televideniye tijorat xizmati boʻlib, 1953-yil tashkil etilgan. Radioeshittirish 1953-yildan, telekoʻrsatuv 1957-yildan olib boriladi. Adabiyoti yunon va turk tillarida.

Yunon tilidagi K. adabiyoti yunon adabiyoti bilan oʻzviy bogʻliq holda taraqqiy etgan. Stasinning „Qibris dostonlari“ (miloddan avvalgi 6-ming yillik), Afroditani sharaflovchi „Gomer madhiyalari“ K. adabiyotining ilk namunalaridir. <nowiki>VIII—X</nowiki> asrlarda shakllangan K. shevasidagi „Digenis Akrit“ eposi ([[XII asr|XII]]—[[XIII asr]]lar), „Ishqiy lirika“ ([[XIV]]—[[XV asr]]lar) va boshqa folklor asarlari yozib olingan. Yozma adabiyot <nowiki>XIX</nowiki> asr oxiri – <nowiki>XX</nowiki> asr boshlaridan rivojlana boshladi. V. Mixailidis sheʼrlarida xalqning ingliz mustamlakachilariga qarshi koʻrashi aks etdi. XX asr boshlarida yozuvchilar N. va M. Nikoladislar, shoirlardan T. Piyeridis, T. Antias va boshqalarning asarlarida oʻtkir ijtimoiy muammolar aks etdi. [[1960|1960-yilda]] mustaqillikka erishilgach, Qibris yozuvchilari yosh davlatning eng dolzarb muammolarini yoritdi. 1968-yildan keyin yozuvchi Y. Filippu-Piyeridis va shoir A. Piliotis adabiyotda yetakchi rol oʻynadi. P. Lyasidis K. shevasida xalq sheʼriyati anʼanalarini davom ettirdi.

Turk tilidagi Qibris adabiyotida, asosan, sheʼriyat rivojlandi. Kenzi va Sukuti Ismoil ogʻa, Hasan Xilmi Afandi, Myuftyu Roji va boshqa [[XIX asr]]ning taniqli shoirlaridir. Nozif Sulaymon Ebe oʻgʻli, Urkiye Mine, Mahmud Levent va boshqa taraqqiyparvar yozuvchilar hisoblanadi. Dramaturgiya F. Korkut, Yu. Ulutug va boshqa ijodida rivojlandi.

== Meʼmorligi va tasviriy sanʼati ==
K.ni moʻzey orol deb ataydilar. Hozirgi Qibris hududida ilk neolit (Xirokitiya manzilgohidagi doirasimon turar joylar) va jez (turli rasmlar solingan sopol idishlar, tosh butlar, jez buyumlar va hokazo) davrlariga oid yodgorliklar topilgan. Miloddan avvalgi 3-ming yillikning 2-yarmidan idishlarni odam, hayvon, oʻsimliklar surati va boshqa bilan bezashda oq, qizil, qora ranglardan foydalanila boshlandi. Soʻnggi jez davridan (miloddan avvalgi 1400—1050-yil) shaharlarning qoldiqlari, goʻzal rasmlar solingan keng ogʻizli koʻzalar, zargarlik buyumlari, fil suyagiga ishlangan boʻrtma naqshlar va boshqa saqlangan. Miloddan avvalgi <nowiki>IV</nowiki> asr – milodiy <nowiki>IV</nowiki> asrlarda meʼmorlik va tasviriy sanʼat mumtoz yunon va ellin sanʼati, keyinchalik Rim sanʼati taʼsirida rivojlandi. Qushlar, nilufar guli tasvirlangan idishlar shu davrga mansub. <nowiki>XIII—XV</nowiki> asr cherkovlari gotika uslubida qurildi. [[1960|1960-yillardan]] meʼmorlik, rassomlik, grafika tez rivojlana boshladi. Xalq sanʼatida yogʻoch oʻymakorligi, kulollik, kandakorlik (kumushdan zarb qilish), toʻr toʻqish va kashtachilik rivojlangan.

Musiqasi qad. Vizantiya imperiyasi chegaralarini himoya qilgan jangchilar haqidagi qoʻshiqlar, fransuz, turk va ingliz hukmronligi davrida paydo boʻlgan, ozodlikni madh etuvchi lirik qoʻshiklar hanuzgacha saqlangan. K.da yunon va turk qoʻshiqlari, cholgʻu asboblari keng tarqalgan.

<nowiki>XX</nowiki> asr boshlarida professional musiqa madaniyati paydo boʻla boshladi. Solomon va Yangos Mixailidislar K.da dastlabki va mashhur kompozitorlardir. S. Mixailidis Limasolda konservatoriyaga (1934), K.da birinchi sim-fonik orkestrga ([[1938]]) va Nikosiyada konsert jamiyatiga asos soldi. U sim-fonik, kamer asarlar yaratdi. Ya. Mixailidis koʻplab ommaviy qoʻshiqlar, simfonik asarlar va boshqa yaratgan. Zamonaviy kompozitorlardan A. Limburidis, G. Kotsonis, S. Violaris, K. Kosteaslarni koʻrsatish mumkin.

Qibrisda 4 konservatoriya, bir qancha shaharlarda musiqa bilim yurtlari, havaskor xor jamoalari, ashula va raqs ansambllari bor<ref>[[OʻzME]]. Birinchi jild. Toshkent, 2000-yil</ref>.

== Manbalar ==
{{manbalar}}

{{osiyo mamlakatlari}}
{{Yevropa davlatlari}}

{{OʻzME}}
{{Tashqi havolalar}}

[[Turkum:Yaqin Sharq]]
[[Turkum:Kipr]]
[[Turkum:BMT aʼzolari]]
[[Turkum:Yevropa Ittifoqiga aʼzo davlatlar]]