Smolensk

Smolensk ruscha: Смоленск
shahar
Dnepr boʻyidagi Uspensk sobori
Bayroq Gerb
54°46′58″N 32°02′43″E
Mamlakat	Rossiya
{{{mintaqa_turi}}}	Smolensk viloyati
Shahar okrugi	Smolensk shahri
Hukumat
• Mer	Andrey Borisov
Asos solingan	nomaʼlum
Ilk eslatilishi	863-yil
Maydon	166.35 km2 (64.23 kv mi)
Markazi balandligi	242 m
Aholisi  (2021)	▼ 316 570
Milliy tarkib	ruslar va b.
Konfessiyaviy tarkib	provaslavlar va b.
Etnoxoronim	smolyan
Telefon kodi	4812
Pochta indeks(lar)i	214XXX
MHBOBT (OKATO)	66401
Smolensk Smolensk

Smolensk — Rossiyadagi shahar. Smolensk viloyati markazi. Dneprning har ikkala sohilida joylashgan. Temir yoʻl va avtomobil yoʻllari tuguni. Aholisi 355,9 ming kishi (1998). 862-yildan savdo va hunarmandchilik markazi sifatida maʼlum. 882-yildan Kiyev Rusi tarkibida, XII asrdan Smolensk knyazligining markazi. 1404—1514-yillarda Litva knyazligi, soʻngra Moskva davlati tarkibida, 1609—67-yillarda Polsha tasarrufida boʻlgan. 1667-yilda Andrusov sulhi boʻyicha Rossiyaga berilgan. 1708—19 va 1796—1929-yillarda Smolensk gubernyasi, 1776—96 yillarda Smolensk noibligi markazi. 1812-yilda Smolensk yonida rus qoʻshinlari bilan Napoleon qoʻshinlari oʻrtasida katta jang boʻlgan. 1941—43-yillarda Smolensk atrofida nemisfashist qoʻshinlari bilan shiddatli janglar olib borilgan. Ikkinchi jahon urushi davrida Smolensk butunlay vayron qilingan. Urushdan soʻng shahar qaytadan tiklangan. Smolenskga qahramon shahar unvoni berilgan.

Sanoat

Mashinasozlik (avtomatlashtirish vositalari, hisoblash mashinalari, elektr lampalar, sovitkichlar va boshqalar), yengil (trikotaj, zigʻir, poyabzal), oziq-ovqat sanoatlari rivojlangan. „Kristall“ zavodi (brilliantlarga sayqal berish), olmos asboblarni ishlab chiqarish korxonasi mavjud.

Taʼlim

4 oliy oʻquv yurti, 2 teatr mavjud.

Madaniyat

Smolensk zigʻiri muzeyi, ST. Konyonkov nomidagi haykaltaroshlik muzeyi, tarixiy va meʼmoriy-badiiy muzey qoʻriqxonasi, badiiy galereya bor.

Diqqatga sazovor joylari

Qadimiy meʼmoriy yodgorliklardan Pyotr va Pavel (1146), Ioann Bogoslov (XII asr), Mixail Arxangel (1191—94) cherkovlari, Uspeniye sobori (1677—79), Kreml (XVI asr — XVII asr boshlari) saqlangan. „Motamsaro ona“ haykali (1965), „Mangulik qoʻrgʻoni“ memoriali (1970) oʻrnatilgan.