Ziyosfera

Tolmachevy Sisters

Anastasiya va Mariya Andreyevna Tolmachyova (1997-yil 14-yanvarda tugʻilgan), Tolmachevy Sisters (Tolmachyova opa-singillari) nomi bilan tanilgan rossiyalik egizak qoʻshiqchi va aktrisalardir. Ular Rossiyaning Kursk shahrida tavallud topgan. Tolmachevy Sisters toʻqqiz yoshida „Vesenniy jazz“ qoʻshigʻi bilan „Yoshlar oʻrtasidagi Eurovision — 2006“ qoʻshiq tanlovida gʻolib chiqqan[1]. Oradan sakkiz yil oʻtgach, ular „Shine“ qoʻshigʻi bilan Rossiya sharafini „Eurovision — 2014“ tanlovida himoya qilgan hamda yettinchi oʻrinni egallagan. Opa-singillar 2007-yilda „Polovinki“ nomli albomini taqdim etgan[2].

Tolmachevy Sisters
Tomalchevy Sisters 2014-yilda
Tomalchevy Sisters 2014-yilda
Umumiy maʼlumot
Mamlakat Kursk, Rossiya
Faoliyat yillari 2006–hozirgacha
Janr Pop
Tarkib Anastasiya Andreyevna Tolmacheva
Maria Andreyevna Tolmacheva

Karyerasi

Yoshlar oʻrtasidagi Eurovision — 2006

Opa-singillar 2006-yil 4-iyunda (toʻqqiz yoshda) oʻtkazilgan milliy saralash bosqichida gʻolib chiqib, Rossiya sharafini Ruminiyaning Buxarest shahrida boʻlib oʻtgan „Yoshlar oʻrtasidagi Eurovision — 2006“ qoʻshiq tanlovida himoya qilgan. Keyinchalik ular „Vesenniy jazz“ qoʻshigʻi bilan tanlovda 154 ball toʻplagan holda gʻalaba qozongan. Belarus vakillari esa 129 ball bilan ikkinchi oʻrinni egallagan[1].

2007-2010-yillar: „Polovinki“ albomi va Eurovisiondagi chiqishlar

2007-yilda Tolmachyova opa-singillari oʻzlarining ilk „Polovinki“ nomli albomini chiqargan. Shuningdek, ular Gʻalaba kuni munosabati bilan Moskvaning Qizil maydonida „Katyusha“ qoʻshigʻini ijro etgan.

Tolmachevy Sisters „Eurovision - 2014“ shahnasida

2009-yilda Tolmachyova opa-singillari Rossiyaning Moskva shahrida oʻtkazilgan „Eurovision — 2009“ qoʻshiq tanlovi birinchi yarim finalining ochilish marosimida chiqish qilgan[3]. 2010-yilda esa ular Belarusning Minsk shahrida boʻlib oʻtgan „Yoshlar oʻrtasidagi Eurovision — 2010“ qoʻshiq tanlovining tanaffus dasturida mehmon sifatida qatnashgan. Mazkur chiqishda avvalgi yillar gʻoliblari oʻzlarining qoʻshiqlarini popuri tarzida ijro etgan[4].

Eurovision — 2014

„Eurovision — 2014“dagi chiqishlar

Tolmachevy Sisters „Shine“ qoʻshigʻi bilan Daniyaning Kopengagen shahrida oʻtkazilgan „Eurovision — 2014“ qoʻshiq tanlovida Rossiya vakillari sifatida ishtirok etgan[2][5]. Ular musobaqani 89 ball bilan yettinchi oʻrinda yakunlagan[6].

Tolmachyova opa-singillari yarim final va final chiqishlari vaqtida tomoshabinlarning hushtakbozligiga duch kelgan[7]. Rossiyaga ballar berilgan paytda ham hushtak ovozlari eshitilgan[8]. Fraser Nelson bu holat haqida: „Eurovision tomoshabinlarining kimnidir hushtakbozlik bilan qarshi olganini oxirgi marta qachon koʻrganimni eslay olmayman; hatto 2003-yildagi Iroq urushi davrida ham Buyuk Britaniyaga nisbatan bunday munosabat boʻlishmagan“, — deb yozgan[9].

2015-yil — hozirgacha

2019-yilda oʻtkazilgan „Eurovision — 2019“ tanlovida Tolmachevy Sisters Rossiya hakamlar hayʼati tarkibidan oʻrin olgan[10][11][12].

Manbalar

  1. ↑ 1,0 1,1 „Russia – JESC“. 2007-yil 18-fevralda asl nusxadan arxivlangan. Qaraldi: 2007-yil 2-mart.
  2. ↑ 2,0 2,1 „ru:Сёстры Толмачевы вернулись в Москву“ [The Tolmachyovy Sisters have returned to Moscow]. Vesti. 2008-yil 20-mayda asl nusxadan arxivlangan. Qaraldi: 2007-yil 2-mart.
  3. ↑ „ru:Маша и Настя Толмачёвы – Открытие Евровидения в Москве“ [Masha and Nastya Tolmachev – Opening of Eurovision in Moscow] (2011-yil 28-aprel). 2016-yil 10-martda asl nusxadan arxivlangan. Qaraldi: 2014-yil 14-noyabr.
  4. ↑ „Junior Eurovision 2010 – Medley of all previous JESC winners“. 2013-yil 9-dekabrda asl nusxadan arxivlangan. Qaraldi: 2014-yil 14-noyabr.
  5. ↑ „Russia sends the Tolmachevy Twins to Copenhagen“. Eurovision Song Contest (2014-yil 15-mart). 2014-yil 15-martda asl nusxadan arxivlangan. Qaraldi: 2014-yil 15-mart.
  6. ↑ „Eurovision 2014 results“. BBC News (2014-yil 11-may). 2014-yil 10-mayda asl nusxadan arxivlangan. Qaraldi: 2014-yil 11-may.
  7. ↑ „Russia booed at Eurovision semi-final“. bbc.co.uk/news. BBC News (2014-yil 7-may). Qaraldi: 2014-yil 13-may.
  8. ↑ Wyatt, Daisy „Eurovision 2014: Russian act, the identical Tolmachevy Twins, jeered by crowd during final“. The Independent (2014-yil 10-may). 2022-yil 21-iyunda asl nusxadan arxivlangan. Qaraldi: 2014-yil 4-noyabr.
  9. ↑ „Eurovision 2014: the booing of Russia was a disgrace“. Spectator Blogs (2014-yil 11-may). 2015-yil 4-mayda asl nusxadan arxivlangan. Qaraldi: 2019-yil 13-may.
  10. ↑ „Определён состав российского жюри на "Евровидении" в Израиле“. 2019-yil 2-mayda asl nusxadan arxivlangan. Qaraldi: 2019-yil 3-may.
  11. ↑ Po kakim kriteriyam v jyuri „Yevrovideniya“ voshli modeler Igor Gulyaev, syostri Tolmachyovi i Simon Osiashvili
  12. ↑ Ot dizaynera Gulyaeva do sestyor Tolmachyovix: Raskrit sostav rossiyskogo jyuri Yevrovideniya 2019 
"https://new.ziyosfera.uz/ziyo/Tolmachevy_Sisters" dan olindi