Ziyosfera

Toshkent metropoliteni

Тошкент Метрополитени
Маълумот
Давлат Ўзбекистон
Шаҳар Тошкент
Очилган вақти 1977-йил 6-ноябр
Бошқарувчи ширкат "Тошкент Метрополитени" ДУК
Давлат Oʻzbekiston bayrogʻi Ўзбекистон
Узунлиги 71 км
Станциялари сони 50 та
Йўллари сони 4 та
Кунлик йўловчилар сони 1,000,000 (2024)
Йиллик йўловчилар сони 71 миллион (2019)[1]
Бошлиғи Раҳмонбек Усмонов
Схемаси
Андоза:Тошкент метро харитаси

Тошкент Метрополитени — Ўзбекистон Республикаси Транспорт вазирлиги ҳузуридаги унитар корхонадир. Аввал Ўзбекистон темир йўллари компанияси таркибида бўлган. У Тошкент шаҳридаги жамоат транспортларидан бири бўлган метро тизимини бошқаради.

2023-йил май ойи ҳолатига кўра, Тошкент метрополитенининг умумий узунлиги 67,2 км, йўллари сони 4 та ва бекатлари сони 50 та.[2] Метрода ҳафтанинг душанба-жума кунларида бир кунда 330,000 ва шанба-якшанба кунларида эса 150,000 нафар йўловчи ташилади. Тошкент Метросида 4,200 нафар ишчи-ходимлар йўловчиларга хизмат кўрсатади.

Метро бекатиларининг эълонлар бериш жараёнига (Эҳтиёт бўлинг, эшиклар ёпилади, кейинги бекат…) сухандонлар Туҳфа Аҳмедова, Раъно Деҳқонова, Манзура Аҳмадалиевалар овоз беришган. 2006-йилдан бошлаб Муслима Муродованинг овози ўрнатилган.[3]|Мамлакат=Узбекистан 🇺🇿}}

Тошкент Метрополитенини режалаштириш ишлари 1968-йилда, Тошкентдаги зилзиладан икки йил ўтиб, бошланган. Марказий Осиёда ягона метро йўллари ва бекатлар қурилиши 1972-йил июл ойида бошланган.

Тарихи

Тошкент метрополитени тарихининг бошланган даври

Тошкент метрополитенининг қурилиш тарихи ХХ асрнинг 60-йилларига бориб тақалади. Шаҳар тез ўсиб бораётган ва саноат ривожланаётган даврда аҳоли зичлигини камайтириш ва тезкор транспорт тизимини ташкил этиш зарурияти ортиб борган эди. Шаҳар транспортида кузатилган тıжралар ва муаммолар, асосан, автобус ва троллейбуслар йўналишларининг ҳаддан ташқари бандлиги, йўлларда тиқилинчлар ва транспортнинг секин ҳаракатланиши, метрополитен қурилиши заруратини янада кучайтирди. Тошкентнинг метрополитен тизимини яратиш бўйича расмий таклифлар 1950-йилларнинг охирларида пайдо бўла бошлади.

Тошкентда метрополитен қуриш ғояси дастлаб 1957-йилда илгари сурилди. Бироқ, қурилиш ишларини бошлаш учун пойтахтнинг геологик, иқлимий ва техник шароитлари ўрганилиши керак эди. 1965-йилда Тошкент шаҳрида метрополитен қурилиши учун зарурий тадқиқотлар якунланди ва 1966-йилда Қурилиш бўйича қарор қабул қилинди. Метрополитен қурилиши 1968-йилда бошланди, бу даврда қурилиш учун зарурий материаллар ва ускуналар тўпланди.

Қурилиш жараёни

Тошкент метрополитенининг қурилиши 1960-йилларнинг охирида бошланган бўлиб, бу ишлар аввалги энг катта қурилиш лойиҳаларидан бири сифатида қайд этилди. Метрополитеннинг қурилиши учун махсус комиссия ташкил этилди ва меҳнат кучи, материаллар ва қурилиш ускуналари шаҳар ташқарисидан олиб келинган. Қурилиш ишларини бажариш учун 1000 дан ортиқ меҳнат ресурслари жалб қилинди. Метрополитеннинг илк чизмалари ва дизайнлари Швеция ва Германиядаги мутахассислар томонидан ишлаб чиқилди.

1977-йил: Тошкент метрополитени очилиши

Тошкент метрополитени 1977-йилнинг 6-ноябрида расмий равишда очилди. Бу, шубҳасиз, Тошкент шаҳрининг тарихидаги муҳим воқеа эди, чунки бу транспорт тизими шаҳар аҳолисининг кундалик ҳаётини сезиларли даражада ўзгартирди ва модернизация жараёнини тезлаштирди. Метрополитеннинг дастлабки линияси 13,3 километр узунликка эга бўлиб, у 9 та станциядан иборат эди. Дастлабки йўналиш А (ёки ҳозирги учун, «Кизил линия») линияси бўлиб, Тошкент шаҳрининг марказий қисмини ва ундан атрофдаги аҳоли пунктларини бирлаштирди.

Чилонзор йўли

Асосий мақола: Чилонзор йўли
Файл:Чилонзорбекати.жпег
Чилонзор Метро бекати

Тошкент метрополитени 1-линияси — Чилонзор йўли 1977-йилда очилган бўлиб, ҳозир бу линия узунлиги 23,7 км ва 17 бекатдан иборат. Ушбу линиянинг қурилиши қуйидаги 3 асосий босқичда амалга оширилган:

  • 1977-йил 6-ноябрда биринчи навбатдаги узунлиги 12,2 км бўлган 9 та бекат („Олмазор“, „Чилонзор“, „Мирзо Улуғбек“, „Новза“, „Миллий боғ“, „Халқлар до'стлиги“, „Пахтакор“, „Мустақиллик майдони“, „Амир Темур хиёбони“) очилган.
  • 1980-йил 18-августда иккинчи навбатда узунлиги 4,6 км бўлган 3 та бекат („Ҳамид Олимжон“, „Пушкин“, „Буюк ипак йўли“) фойдаланишга топширилган.
  • 2020-йил 26-декабрда учинчи навбатда ер устидан ўтадиган 6,9 км бўлган 5 та бекат (Бекат-1,2,3,4,5) ишга туширилди. Бекатлар номлари „Чоштепа“, „О'згариш“, „Сергели“, „Янгиҳаёт“ ва „Чинор“. Қиймати 82,66 миллион АҚШ долларига тенг бўлган бу лойиҳа 2017—2020-йилларда қурилди. Бу йўналишда кунига қўшимча 35,000 нафар, йилига 11,5 миллион йўловчи ташилиши кутилмоқда.[4][5][6][7]

Ўзбекистон йўли

Асосий мақола: Ўзбекистон йўли

Тошкент метрополитени 2-линияси — Ўзбекистон йўли 1984-йилда очилган бўлиб, ҳозир бу линия узунлиги 14,3 км ва 11 бекатдан иборат. Ушбу линиянинг қурилиши қуйидаги 4 асосий босқичда амалга оширилган:

  • 1984-йил 7-декабрда узунлиги 4,8 км бўлган 5 та бекат („Алишер Навоий“, „Ўзбекистон“, „Космонавтлар“, „Ойбек“ ва „Тошкент“) очилган.
  • 1987-йил 6-ноябрда узунлиги 3,3 км бўлган 2 та бекат („Машинасозлар“ ва „Дўстлик“) фойдаланишга топширилган.
  • 1989-йил 6-ноябрда узунлиги 2,4 км бўлган 2 та бекат („Ғафур Ғулом“ ва „Чорсу“) очилган.
  • 1991-йил 30-апрелда узунлиги 3,8 км бўлган 2 та бекат („Тинчлик“ ва „Беруний“) ишга туширилган.

Юнусобод йўли

Асосий мақола: Юнусобод ё'ли
Файл:Туркистон метро бекати.жпг
Туркистон Метро бекати

Тошкент метрополитенининг шаҳар марказини Юнусобод тумани билан боғлайдиган 3-линияси — Юнусобод ё'ли Мустақилик йилларида қурилгаб бўлиб, ушбу линиянинг умумий узунлиги 10,5 километр ва 8 та бекатдан иборат. Ушбу линия қурилишини қуйидаги 2 босқичга бўлиш мумкин:

  • 2001-йил 26-октабрда узунлиги 7,6 км бўлган 6 та бекат („Мингўрик“, „Юнус Ражабий“, „Абдулла Қодирий“, „Минор“, „Бодомзор“ ва „Шаҳристон“) қурилган.[8]
  • 2020-йил 29-августда узунлиги 2,9 км бўлган 2 та бекат („Юнусобод“ ва „Туркистон“) фойдаланишга топширилди.[9][10][11]

О'збекистон мустақиллигининг 30-йиллиги ё'ли

Асосий мақола: Ҳалқа ё'ли

Тошкент метрополитенининг 4-линияси — О'збекистон мустақиллигининг 30-йиллиги ё'ли ер устидан ўтади. Умумий узунлиги 52.1 км ва бекатлари сони 35 та бўлиши режалаштирилган бу линиянинг биринчи босқичи қурилиши 2017-йилда бошланди ва 2020-йил 30-августда очилди. Очилиш маросимида Президент Шавкат Мирзиёев иштирок этди. Бу босқичда қурилган 7 та бекатнинг (Технопарк, Яшнобод, Тезул, Олмос, Роҳат, Янгиобод ва Қо'йлиқ) умумий узунлиги 11 км.[12][13]

2023-йил апрел ойида Тошкентда ерусти ҳалқа метро йўлининг ИИ босқичи доирасида қуриб битказилган яна 5 та бекатда йўловчи ташувлари бошланди. Қўйлиқ, Матонат, Қиёт, Толариқ, Хонобод ва Қурувчилар участкасида қурилиш ишлари тугатилган 5 та бекатнинг умумий узунлиги 7,74 километр. Яна иккита стансияни ўз ичига олган, узунлиги қарийб 4 км бўлган Қурувчилар, Турон ва Қипчоқ бекатининг (Чилозор линиясининг Чинор бекати) қурилиши давом этмоқда.[14]

Тошкент метроси линиялари

№ Номи Очилган йили Охирги стансияни очилган йили Узунлиги, км Стансиялар сони Линия бўйича поэздлар вақти, дақ. Стансия иш режими[15] Маршрут харитаси
1 Чилонзор йўли 1977 2020 23,7 17 33 05:00-00:00
2 Ўзбекистон йўли 1984 1991 14,3 11 21 05:00-00:00
3 Юнусобод йўли 2001 2020 10,5 8 15 05:00-00:00
4 Ўзбекистон мустақиллигининг 30 йиллиги йўли 2020 2023 18.7

(кут. 52,1)

14

(кут. 35)

16

(кут. 70)

05:00-00:00
Умумий: 67,2 50

Метро бекатлари

Асосий мақола: Тошкент метрополитени бекатлари

Тошкент метрополитени бекатлари лойиҳалаштирилган даврига кўра турли хил услубда қурилган. Метродаги Чилонзор, Новза бекатлари гумбазсимон, Мустақиллик майдони йиғма монолит конструксияли колонна типида, бошқа бекатлар эса колонна типида қурилган. Ҳар бир бекатнинг бадиий меъморлик ҳамда ҳайкалтарошлик нуқтаи назаридан безатилиши рамзий равишда шу бекат номини акс эттиради. Уларда маданий, монументал декоратив ва амалий санъатнинг миллий анъаналари ўз аксини топган. Бекатларга безак беришда, асосан, Ўзбекистонда чиқадиган қора, қизил, кулранг гранитлар, турли хил мармар, керамика, стомалит, ёғоч, ойна, турли хил металл ва бошқалардан фойдаланилган.

Йўловчиларга қулайлик яратиш учун баъзи бекатларда эскалаторлар ўрнатилган.

Тошкент метрополитени 9 балли зилзилага бардош беради.

Юнусобод линияси устидан ерости сувлари ўтганлиги сабабли баъзи бекатларда шифтдан чакка ўтади. Лекин бу йўловчиларга ва метрополитенга ҳеч қандай хавф туғдирмаслиги айтилган.[16]

Ҳаракат Таркиби

Тошкент метрополитенида ҳаракатланадиган поездларнинг энг юқори тезлиги 80 км/соатни ташкил қилади, ўртача тезлик — 60 км/соат. Профилактика ишлари олиб борилаётган жойларда — 40 км/соатгача тезлик пасайтирилади.[17]

Метрополитен ҳузурида ёш кадрларни тайёрлаш маркази бор экан. Машинист бўлишни хоҳлаганлар аввалига 7 ойлик назарий босқични ўқиб тугатиб, сўнгра амалиётга ўтишади. Машинистлар 4 тоифага бўлинади: янги ишга кирган машинистлар 4-тоифага мансуб бўлади; 2 йил давомида қоида бузмасдан поезд ҳайдаса, имтиҳон топшириб 3-тоифага ўтиши мумкин бўлади; кейин яна 2 йил давомида яхши ишласа, имтиҳон топшириб 2-тоифа ўтади ва шу тарзда машинистларнинг маҳоратлари ошиб боради.

Тошкент метрополитенининг Чилонзор йўналишида эълонлар учун диктор Мадина Ҳасанованинг овози ёзиб олинган. Юнусобод ва Ўзбекистон йўналишлари учун эса Ўзбекистон миллий телерадиокомпанияси ходимаси Муслима Муродова овоз берган.

Метрополитендан техникавий фойдаланиш қоидалари

Тўлов

Ўзбекистон Республикаси Вазирлар Маҳкамасининг 2019-йил 25-ноябрдаги „Умумий фойдаланиладиган транспортда йўловчи ташишда йўлкира ҳақини тўлашнинг автоматлаштирилган тизимини жорий этиш тўғрисида“ги қарорига кўра Тошкентдаги автобус ва метрополитен йўналишларида автоматлаштирилган тўлов тизимини жорий этилди ва 2020-йил 3-январдан ягона транспорт карталари муомалага чиқарилди. Ягона транспорт карталарининг ҳисобини метро кассалари, ойлик йўл чипталарини сотиш шохобчалари, инфокиосклар, барча электрон тўлов тизимлари, шунингдек, АТТО — мобил иловаси орқали тўлдириш имконияти мавжуд. Йўловчилар тўловларни ягона транспорт карталари орқали амалга оширишади. Тошкент метрополитенининг барча бекатлари электрон тўловни амалга ошириш учун мобил ва стационар валидаторлар билан тўлиқ таъминланди.[18][19]

2020-йил 1-ноябрдан бошлаб Тошкент метроси кассаларида жетонлар сотилиши тўхтатилди. Аммо, жетонлардан фойдаланиш 2020-йил 31-декабр кунига қадар давом этди. Бунинг учун бекатларнинг ҳар бир кириш жойида биттадан жетонларни қабул қилувчи турникет қолдирилди.[20]

Ҳозир Тошкент метросида қуйидаги тўлов усуллари[21] мавжуд:

Тошкент метросининг жетони. Бундай жетонлардан 2020-йил 31-декабргача фойдаланилган
  • Ягона транспорт картаси (АТТО);
  • Бир марталик ҚР-чипта. У сотиб олинган пайтдан бошлаб 30 дақиқа давомида амал қилади ва фақат у сотиб олинган бекатда амал қилади;
  • НФC чипли банк карталари (Ҳумо, Виса, МастерCард);
  • АТТО ва Cлиcк мобил иловаларида яратилган ҚР-код билан.

2019-йил 15-августдан бошлаб метрода йўл ҳақи 1400 сўмни ташкил этади.[22]

Нафақадаги фуқаролар пойтахт метросидан ҳар куни соат эрталаб соат 10:00дан кеч соат 16:00гача бепул фойданаланиш ҳуқуқига эга. Бекатга киришда пенсия гувоҳномасини тақдим этиш керак.

Шунингдек, қуйидаги тоифадаги фуқаролар метрополитендан доим бепул фойдаланиш ҳуқуқига эга:

  • 1941—1945-йиллардаги уруш қатнашчилари;
  • 1941—1945-йиллардаги уруш ногиронлари ва 1-гуруҳ уруш ногиронларини кузатиб борувчи шахс;
  • 1941—1945-йиллардаги уруш даврида фронт ортида фидокорона меҳнати ва ҳарбий хизмати учун орден ва медаллар билан мукофотланган шахслар;
  • Афғонистон ва бошқа мамлакатлар ҳудудларида жанговар ҳаракатларда қатнашган собиқ ҳарбий фуқаролар;
  • Чернобил АЭСидаги фожеа оқибатида радиация ва бошқа касалликларга чалинган шахслар;
  • кўзи ожизлар ва уларни кузатиб борувчи шахслар;
  • оддий мажбурий ҳарбий хизматнинг барча ҳарбий хизматчилари ва шартномадаги ҳарбий хизматчилар.
  • 2025 йилда Қодиров Равшан Лазизжон ўғли Тошкент метрополитени йўловчилари учун ҚР-код ма’лумотномаларини жорий этиш масалалари бўйича икки мақола нашр этди. Биринчи мақола инглиз тилида “ҚР Cоде Информатион ат Метро Статионс: Cреатинг Cонвениэнcе анд Аccесс то Информатион фор Пассенгерс” номида Америcан Жоурнал оф Энгинеэринг, Мечаниcс анд Арчитеcтуре журналида чоп этилган. Иккинчи мақола эса ўзбек тилида “Метрополитенда ҚР код ма'лумотномалари: Ё'ловчилар учун қулайлик яратиш ва ахборот олиш имконияти” номида “Янги Ўзбекистон Янги Илмий Тадқиқотлар” журналида нашр қилинган.[23][23]

Иш соатлари

Тошкент метрополитенининг Юнусобод йўналиши эрталаб соат 05:00дан кеч соат 23:00гача, Чилонзор ва Ўзбекистон йўналишлари эса соат 05:00дан 00:00гача ишлайди.

2021-йил 21-майдан бошлаб метрополитеннинг барча йўллари иш тартиби вақтинча эрталаб соат 06:00дан кеч соат 23:00гача этиб белгиланади.[24]

Метрода поездлар графиги икки турга бўлинади: ёзги ва қишки. Ҳар хил фаслда кун ботиш вақти ўзгариши сабабли графиклар ҳам фарқ қилади.

Поездлар куннинг энг тиғиз вақтларида, яъни тонгги соат 07:00дан 09:00гача ва кечки 17:00дан 19:00гача Чилонзор йўналиши бўйича 4 дақиқа, Ўзбекистон йўналиши бўйича 5 дақиқа, Юнусобод йўналиши бўйича эса 7 дақиқа интервал билан ҳаракатланади. Куннинг бошқа қисмида эса бу интервал чўзилади.[16][25]

2020-йил март ойида CОВИД-19 пандемияси сабабли Тошкент метроси йўловчилар учун ёпилди. 5 ойлик танаффусдан кейин 2020-йил 15-августдан метро яна қайта ишга туширилди.[26]

2020-йилнинг 24-сентабр куни Тошкент метрополитени бекатларидаги 17та вестибюл вақтинча ёпилганди. 2020-йилнинг 10-декабригача барча вестибюлларнинг босқичма-босқич очилишини маълум қилинди.[27]

Келажакдаги лойиҳалар

Тошкент метрополитени таркибида 2030-йилга қадар 10 та янги бекат, хусусан, Беруний бекатидан Қорақамишгача 2 та бекат, Буюк Ипак Йўли бекатидан ТТЗгача (Тошкент Трактор Заводи) 3 та бекат ҳамда Мингўрик бекатидан Жанубий вокзалгача 5 та бекат қуриш режалаштирилмоқда.[28][29][30]

2025-йилга бориб Тошкент метрополитени яна 4 баробар катталашади ва пойтахт ер ости темир йўлларининг умумий узунлиги 157 километрни ташкил қилади.[31]

Шунингдек, ерусти Ҳалқа йўли метроси лойиҳасининг умумий қиймати 422 миллион АҚШ долларидан зиёд. Бу йўлнинг жами узунлиги қарийб 55 км бўлиб, бекатлари сони 35 та бўлади. Лойиҳа қуйидаги 5 босқичда амалга оширилиши режалаштирилган:[32]

  • 1-босқич: Дўстлик бекатидан Қўйлиқ бозоригача бўлган қисм қурилиб, фойдаланишга топширилди.
  • 2-босқич: Қўйлиқ бозори билан Тошкент ерости метросининг Олмазор бекати боғланади.
  • 3-босқич: Беруний бекатигача бўлган қисм қурилади.
  • 4-босқич: Бодомзор бекатигача бўлган қисм қурилади.
  • 5-босқич: Ҳалқа метро линияси яна Дўстлик бекатига уланади.[12][33]

Тошкент Метрополитенини кенгайтириш лойиҳаси билан танишиш мумкин.

Техник носозликлар

  • 2019-йил 18-декабрда Юнусобод бекати қурилишида ён деворнинг қулаб тушиши оқибатида авария ҳолати келиб чиққан.[34] Ҳодисага кучли ёмғир натижасида бетон деворнинг орасига сув тўпланиб, девор оғирлик оқибатида қулаб тушгани айтилди.[35] Бу ҳодисада ўша пайтда қазиш ишлари олиб бораётган 6 нафар ишчи қурбон бўлди.[36] Ўзбекистон темир йўллари ҳар бир ҳалок бўлган ишчининг оиласи учун 100 миллион сўм (тақрибан 10,400 АҚШ доллари) ҳисобида товон пули ажратди.[37].
  • 2021-йил 18-март куни Чилонзор йўлининг Олмазор ва Сергели йўлининг Бекат-1 бекатлари орасидаги туннелда икки поезд тўқнашди.
  • 2021-йил 7-апрел куни Тошкент метросида икки поезд тўқнашгани ҳақида хабар тарқалди. Расмий изоҳда техник сабабларга кўра Ўзбекистон йўлининг Ғофур Ғулом бекатида йўловчилар поезддан туширилиб, захирага келган навбатдаги поездга ўтказиб юборилгани, йўловчилар туширилган поезд бошқа поезд ёрдамида шатакка олиниб, Беруний бекатига олиб келингани маълум қилинди.[38]
  • 2021-йил 8-апрел куни Сергели ерусти метросида поезд ярим йўлда тўхтаб қолди. Йўловчилар поезддан тушиб, темир йўл бўйлаб бекатгача пиёда юришга мажбур бўлди.[39]
  • 2021-йил 9-апрел куни ижтимоий тармоқларда Пушкин бекатидан Буюк Ипак Йўли бекати томон бораётган поезднинг очиқ эшиклар билан ҳаракатлангани туширилган видео тарқалди.[40]
  • 2021-йил 28-апрел куни Новза бекати яқинидаги туннелда поезд техник носозлик туфайли тўхтаб қолди. Ижтимоий тармоқларда метро йўловчилари туннелдаги релслар орқали ҳаракатланиб, бекатга етиб олгани тасвирланган видео ва фото суратлар тарқалди.[41] Бунда машинист поезд ҳаракатланаётган пайтда олдиндаги йўлда контакт релсларни қувватловчи токоприёмникда учқун чиқаётганини кўриб қолган.[42]
  • 2021-йил 7-май куни соат 21:10 дан 22:00 гача Тошкент метрополитени Ҳалқа ё'лининг 7-бекатида электр энергияси ўчиб қолди. Метродаги носозлик сабабли шаҳар жамоат транспортида юқори даражадаги тирбандликлар юзага келди. Чилонзор йўлида ҳаракат тўхтаб қолгани туфайли бекатларда тўпланиб қолган йўловчилар ташқарига чиқишга мажбур бўлишди.[43]
  • 2021-йил 13-май куни Тошкент метрополитени Амир Темур хиёбони бекатида барча йўловчилар тушириб юборилди, ижтимоий тармоқларда воқеа акс этган видеолар тарқалди. Ўзбекистон темир йўллари компанияси шу куни Чилонзор йўлида техник-профилактика ишлари олиб борилиши муносабати билан соат 10:30 дан 11:00 гача поездлар айланмаси Амир Темур хиёбони бекатига амалга оширилини билдирди.
  • 2021-йил 24-май куни эрталаб соат 08:52да 4-сонли йўналиш бўйлаб ҳаракатланаётган поезд техник сабабларга кўра Ҳамид Олимжон бекатида тўхтаб қолди. 16-сонли йўналиш бўйича орқадан келаётган поезд йўловчиларни олиб, жадвалга мувофиқ ҳаракатланишни давом эттирди.[44]
  • 2021-йил 7-июл куни соат 12:55 ва 13:05 оралиғида Тошкент шаҳар электр таъминотида узилиш юзага келганлиги сабабли метронинг барча йўлларида ҳам чироқлар ва эскалаторлар ишламай қолди. Аммо поездлар ҳаракати давом этди.[45]

Ножўя ҳодисалар

2022-йил 24-феврал куни соат 21:15 ларда Тошкент метрополитенининг „Мирзо Улуғбек“ бекатида ножўя ҳолат содир бўлди. 1984-йилда туғилган Э.Ш. исмли шахс (Сирдарё вилояти, Сардоба туманида яшаган) ўзини ҳаракатланиб кетаётган электропоезднинг тагига ташлаб, олган тан жароҳатлари оқибатида воқеа жойида вафот этган[манба керак].

Яна қаранг

Манбалар

  1. ↑ „Раҳмонбек Усмонов Тошкент метрополитени раҳбари этиб тайинланди“. Кун.уз (2021-йил 12-июн). Қаралди: 2021-йил 29-июн.
  2. ↑ „Тошкент ерусти метросининг яна 5 та бекати фойдаланишга топширилди“. кун.уз (2023-йил 25-апрел). Қаралди: 13-июн 2023-йил.
  3. ↑ „“Дадам овозимни эшитиб, йиғлаб юборган”. Тошкент метросининг доимий йўловчиларига ёд бўлган овоз эгаси Муслима Муродова билан суҳбат“. дарё.уз (2021-йил 12-июн). Қаралди: 29-июн 2021-йил.
  4. ↑ „«Бир вақтлар Сергелига метро келади деса, ҳеч ким ишонмасди» – президент Сергели метросида бўлди“. Кун.уз (2020-йил 26-декабр). Қаралди: 27-май 2021-йил.
  5. ↑ „Тошкент метрополитени Сергели йўналишини қуриш ишлари якунланмоқда“. Кун.уз (2020-йил 8-октябр). Қаралди: 27-май 2021-йил.
  6. ↑ „Сергели ерусти метро линиясида дастлабки релсларни ўрнатиш бошланди (фото)“. дарё.уз (2020-йил 9-июн). Қаралди: 28-май 2021-йил.
  7. ↑ „Тошкент метро эхпансион аимс то cут роад траффиc, поллутион анд делайс“. www.раилwайгазетте.cом (2021-йил 11-январ). Қаралди: 3-август 2021-йил.
  8. ↑ „ТОСҲКЕНТ МЕТРОПОЛИТЕНИ "ЙУНУСОБОД" ЙО'НАЛИСҲИ“. мустақиллик.уз. Қаралди: 28-май 2021-йил.
  9. ↑ „Тошкентда ер ости ва ер усти метро йўналишларида қурилиш ишлари бошланди“. Кун.уз (2016-йил 1-ноябр). Қаралди: 10-май 2021-йил.
  10. ↑ „Президент Тошкент метросининг қурилиши тугалланган «Юнусобод» йўналиши билан танишди“. Кун.уз (2020-йил 29-август). Қаралди: 27-май 2021-йил.
  11. ↑ „Тошкент метросининг “Юнусобод” йўлидаги 2 та янги бекат қуриб битказилди (фото)“. дарё.уз (2020-йил 15-июн). Қаралди: 28-май 2021-йил.
  12. ↑ 12,0 12,1 „Тошкент ерусти ҳалқа метросининг биринчи босқичи ишга тушди“. Кун.уз (2020-йил 29-август). Қаралди: 27-май 2021-йил.
  13. ↑ „Ерусти метросининг “Дўстлик-2” – “Қўйлиқ” йўналиши 30 август куни очилади“. Кун.уз (2020-йил 30-август). Қаралди: 27-май 2021-йил.
  14. ↑ „Тошкент ерусти метросининг яна 5 та бекати фойдаланишга топширилди“. Кун.уз (2023-йил 25-апрел). Қаралди: 13-июн 2023-йил.
  15. ↑ Метро Ташкента: схема, описаниэ, фото[сайт ишламайди]
  16. ↑ 16,0 16,1 „Биз билган ва билмаган Тошкент метрополитени (видео)“. Кун.уз (2020-йил 13-феврал). Қаралди: 26-май 2021-йил.
  17. ↑ „Биз билган ва билмаган Тошкент метрополитени (видео)“. Кун.уз (13-феврал 2020-йил). Қаралди: 26-май 2021-йил.
  18. ↑ „1-ноябрдан Тошкент метрополитенида жетонлардан фойдаланиш тўхтатилади“. Кун.уз (2020-йил 8-октябр). Қаралди: 27-май 2021-йил.
  19. ↑ „Тошкентда метро, автобус ва йўналишли такси йўловчилари юрган масофасига қараб пул тўлайди“. Кун.уз (2021-йил 26-январ). Қаралди: 28-май 2021-йил.
  20. ↑ „Тошкент метросида жетонлардан фойдаланиш жорий йилнинг охирига қадар давом этади“. Кун.уз (2020-йил 3-ноябр). Қаралди: 26-май 2021-йил.
  21. ↑ YouTube logotipi Тошкент метрополитени ЁуТубеда
  22. ↑ „Оплата проезда в метрополитене Ташкента“. www.таштранс.уз. Қаралди: 27-май 2021-йил.
  23. ↑ 23,0 23,1 Қодиров, Равшан Лазизжон ўғли (2025). „ҚР Cоде Информатион ат Метро Статионс: Cреатинг Cонвениэнcе анд Аccесс то Информатион фор Пассенгерс“. Америcан Жоурнал оф Энгинеэринг, Мечаниcс анд Арчитеcтуре. 3-бет.
  24. ↑ „Тошкент метроси иш вақти ўзгармоқда“. Кун.уз (2021-йил 18-май). Қаралди: 26-май 2021-йил.
  25. ↑ „Время работы метрополитена Ташкента“. таштранс.уз. Қаралди: 28-май 2021-йил.
  26. ↑ „Тошкент метроси 5 ойлик танаффусдан сўнг қайта очилди (фото)“. дарё.уз (2020-йил 15-август). Қаралди: 28-май 2021-йил.
  27. ↑ „10-декабргача пойтахт метрополитени барча вестибюллари босқичма-босқич очилади“. Кун.уз (2020-йил 23-ноябр). Қаралди: 26-май 2021-йил.
  28. ↑ „Тошкент метрополитенида 2030-йилгача яна 10та янги стансия қурилади“. Кун.уз (2017-йил 10-август). Қаралди: 20-май 2021-йил.
  29. ↑ „Тошкент шаҳрида метрополитенни ривожлантириш бўйича таклифлар“. Кун.уз (2020-йил 14-октябр). Қаралди: 27-май 2021-йил.
  30. ↑ „Тошкент метро - 2025“. оз.спутникнеwс-уз.cом (2019-йил 7-апрел). Қаралди: 28-май 2021-йил.
  31. ↑ „Тошкент метрополитени ҳақида“. www.минтранс.уз. Қаралди: 26-май 2021-йил.
  32. ↑ „Видео: Тошкент ерусти метроси илк йўловчиларини қабул қилди“. Кун.уз (2020-йил 30-август). Қаралди: 27-май 2021-йил.
  33. ↑ „Замонавий технопарк, кенгаяётган метрополитен, қайта қурилаётган йўллар — Тошкентдаги янги лойиҳалар тақдим қилинди“. Кун.уз (2020-йил 31-август). Қаралди: 27-май 2021-йил.
  34. ↑ „Тошкент метросининг Юнусобод йўналиши қурилишида авария содир бўлди. Тупроқ остида бир неча киши қолиб кетган бўлиши мумкин“. Кун.уз.
  35. ↑ „ФВВ ва ССВ Юнусободдаги ер ўпирилиши бўйича маълумот берди“. Кун.уз.
  36. ↑ „Юнусободдаги авария жойида тупроқ остидан яна бир жасад олиб чиқилди. Қурбонлар сони 6 нафар“. Кун.уз.
  37. ↑ „Юнусободдаги фожиада ҳалок бўлган ишчиларнинг оилаларига 100 млн сўмдан компенсация ажратилди“. Кун.уз (2019-йил 19-декабр). Қаралди: 8-июл 2021-йил.
  38. ↑ „Тошкент метросида икки поезд тўқнашгани ҳақида хабар тарқалди. Ҳолат бўйича расмий изоҳ берилди“. Кун.уз (2021-йил 9-апрел). Қаралди: 8-июл 2021-йил.
  39. ↑ „Сергели йўналишида метро ҳаракати тўхтаб қолди“. Кун.уз (2021-йил 8-апрел). Қаралди: 8-июл 2021-йил.
  40. ↑ „«Триллер кинолардаги каби» — Тошкент метросида поезд эшикни ёпмай ҳаракатланди“. Кун.уз (2021-йил 10-апрел). Қаралди: 8-июл 2021-йил.
  41. ↑ „Тошкент метросида яна фавқулодда ҳолат юзага келди“. Кун.уз (2021-йил 28-апрел). Қаралди: 17-май 2021-йил.
  42. ↑ „Метрополитен: Машинист токоприёмникда учқун чиқаётганини кўргани учун поездни тўхтатган“. Кун.уз (2021-йил 29-апрел). Қаралди: 8-июл 2021-йил.
  43. ↑ „Қўйлиқда чироқ ўчиб, метро бекати ҳам қоронғиликда қолди“. Кун.уз (2021-йил 7-май). Қаралди: 17-май 2021-йил.
  44. ↑ „Тошкент метросида яна поезд тўхтаб қолди“. Кун.уз (2021-йил 24-май). Қаралди: 8-июл 2021-йил.
  45. ↑ „“Свет” ўчиши – энди Тошкентда ҳам одатий ҳол“. Кун.уз (2021-йил 7-июл). Қаралди: 8-июл 2021-йил.

Ҳаволалар



"https://new.ziyosfera.uz/ziyo/Toshkent_metropoliteni" dan olindi